Rohit Sharma Meet Rinku Singh MI vs KKR IPL 2024 : टी 20 वर्ल्डकपसाठी भारतीय संघाची घोषणा झाल्यानंतर दोन दिवसांनी आज रोहित शर्मा आणि निवडसमिती अध्यक्ष अजित आगरकर यांनी पत्रकार परिषद घेतली. या पत्रकार परिषदेत अजित आगरकरने रिंकू सिंहला संघातून का वगळले याबद्दल स्पष्टीकरण दिलं.
रिंकूला यंदाचा आयपीएल हंगाम चांगला गेलेला नाही. मात्र त्यानं आंतरराष्ट्रीय टी 20 सामन्यात 89 च्या सरासरी आणि 172 च्या स्ट्राईक रेटनं धावा केल्या आहेत. तरीसुद्धा निवडसमितीने त्याला 15 च्या संघात स्थान न देता स्टँड बायमध्ये ठेवलं. तो संघासोबत वेस्ट इंडीजला जाणार आहे. मात्र त्याला संघात खेळता येणार नाहीये.
दरम्यान, रोहित शर्माने आज वानखेडे स्टेडियमवर रिंकू सिंहची भेट घेतली. आयपीएलच्या सामन्यात केकेआर आणि मुंबई इंडियन्स एकमेकांना भिडणार आहेत. या सामन्यापूर्वी रिंकू आणि रोहित आज सरावासाठी मैदानावर आले होते. केकेआरने या दोघांच्या भेटीचा फोटो सोशल मीडियावर शेअर केला.
निवडसमिती अध्यक्ष अजित आगरकरने रिंकूला संघात न घेण्याबद्दल सांगितले की, 'हा निर्णय सर्वात अवघड होता. यात रिंकूची कोणतीही चूक नाही. हा संघाच्या कॉम्बिनेशनचा विषय आहे. आम्हाला वाटलं की रोहितला अतिरिक्त फिरकीपटू दिला पाहिजे. रिंकू हा संघात स्थान मिळवण्याच्या अगदी जवळ होता. त्याचे स्टँड बाय खेळाडूंमधील स्थान हे अधोरेखित करतं.'
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.