Royal Challengers Bangalore IPL 2023 Squad : रॉयल चॅलेंजर बेंगलोरचा कोलकाता नाईट रायडर्सने 81 धावांनी पराभव केल्यानंतर आरसीबीने आपल्या संघात काही बदल केले आहेत. केकेआरच्या शार्दुल ठाकूरकडून जोरदार धुलाई झाल्यानंतर आरसीबने आपल्या ताफ्यात दक्षिण आफ्रिकेचा अष्टपैलू खेळाडू वेन पार्नेलला सामील करून घेतले. तसेच वैशाक विजय कुमारचा देखील समावेश केला आहे.

आरसीबीने ट्विट करून दक्षिण आफ्रिकेचा अष्टपैलू खेळाडू वेन पार्नेल या आठवड्यात आरसीबीच्या ताफ्यात दाखल होत असल्याची माहिती दिली. अनेक शक्यतांची चर्चा होत असताना आरसीबीने दुखापतग्रस्त रीसे टॉप्लेच्या जागी आफ्रिकेच्या वेन पार्नेलला आपल्या संघात सामावून घेतला आहे. वेन पार्नेल हा आरसीबी विरूद्ध लखनौ सुपर जायंट्स याच्यात सोमवारी होणाऱ्या सामन्यात खेळण्याची शक्यता आहे.

आरसीबीचा हेड कोच संजय बांगरने केकेआरविरूद्धच्या सामन्यावेळीच सांगितले की, 'रीसे टॉप्ले हा दुखापतीमुळे संपूर्ण आयपीएलला मुकणार आहे. आम्ही त्याला परत मैदानावर उतरण्यासाठी प्रयत्न केले. मात्र त्याला पुढच्या उपचारांची गरज आहे. आम्ही त्याच्या रिप्लेसमेंटची लवकरच घोषणा करू.'

आरसीबीने दुसऱ्याच दिवशी वेन पार्नेल टॉप्लेची रिप्लेसमेंट असेल अशी घोषणा केली. वेन पार्नेलने आयपीएल 2023 च्या लिलावासाठी आपली बेस प्राईस 75 लाख ठेवली होती. मात्र तो अनसोल्ड राहिला होता. दक्षिण आफ्रिकेचा डावखुरा वेगवान गोलंदाज हा आफ्रिकेकडून नवीन चेंडू टाकतो. याचबरोबर डेथ ओव्हरमध्ये देखील तो गोलंदाजी करू शकतो. त्यामुळे तो टी 20 साठी योग्य गोलंदाज आहे. त्याने अनेक टी 20 आंतरराष्ट्रीय सामने खेळले आहेत. तो फलंदाजीत देखील चांगले योगदान देऊ शकतो.

आरसीबीने रीसे टॉप्लेबरोबरच धडाकेबाज फलंदाज रजत पाटीदार या दुखापतग्रस्त फलंदाजाची देखील रिप्लेसमेंट दिली आहे. गेल्या हंगामातील आरसीबी स्टार रजत पाटीदारची जागा विशाक विजय कुमार घेणार आहे.

(Sports Latest News)