Ruturaj Gaikwad Record Half Century CSK vs KKR : चेन्नई सुपर किंग्जचा कर्णधार ऋतुराज गायकवाडने कर्णधार झाल्यानंतर आपले पहिले अर्धशतक ठोकले. कोलकाता नाईट रायडर्सचा 7 विकेट्सनी पराभव करत चेन्नईने आपली गाडी पुन्हा विजयीपथावर आणली.

ऋतुराज गायकवाडने 58 चेंडूत नाबाद 67 धावांची अर्धशतकी खेळी केली. त्याने विजयात अँकर इनिंग खेळण्याची भुमिका निभावली. दुसरीकडून 18 चेंडूत 28 धावा चोपून शिवम दुबेने सीएसकेचा विजय सोपा केला. डॅरेल मिचेलनेही 25 धावांचे आक्रमक योगदान दिलं. याचबरोबर केकेआरचा सलग विजयाचा धडाका देखील चेन्नईने रोखला.

(Ruturaj Gaikwad Become first CSK captain in the last five years to score a half-century)

सामन्यात अर्धशतक ठोकणाऱ्या ऋतुराज गायकवाडने सीएसकेसाठी एक मोठा आणि आश्चर्यकारक कारनामा केला. तो गेल्या पाच वर्षाच आयपीएलमध्ये चेन्नईकडून अर्धशतकी खेळी करणारा पहिला कर्णधार ठरला. यापूर्वी एमएस धोनीने 2019 मध्ये सीएसकेचा कर्णधार म्हणून अर्धशतक ठोकलं होतं. धोनीनं 2022 च्या हंगामात देखील अर्धशतक ठोकलं होतं. मात्र त्यावेळी संघाचं नेतृत्व रविंद्र जडेजा करत होता.

सीएसकेला गेल्या दोन सामन्यात पराभवाला सामोरं जाव लागलं होतं. मात्र केकेआरला 137 धावात रोखत चेन्नईने आपल्या तिसऱ्या विजयाची पायाभरणी केली. सीएसकेकडून रविंद्र जडेजाने 18 धावात 3 विकेट्स घेतल्या तर सामन्याच्या पहिल्याच चेंडूवर विकेट घेणाऱ्या तुषार देशपांडेने देखील 33 धावात 3 विकेट्स घेत विजयात आपलं मोठं योगदान दिलं.

स्लॉग ओव्हर स्पेशलिस्ट मुस्तफिजूर रहमानला आज खेळण्याची संधी मिळाली होती. पथिरानाच्या जागेवर तो प्लेईंग 11 मध्ये आला. त्याने 22 धावात 2 विकेट्स घेत चेन्नईच्या विजयाला हातभार लावला. केकेआरकडून कर्णधार श्रेयस अय्यर एकटा भिडला.

त्यानं संघाची अवस्था 5 बाद 85 धावा अशी झाली असताना 32 चेंडूत 34 धावांची खेळी केली. त्यामुळे केकेआर शतक पार जाऊ शकला. गोलंदाजीत वैभव अरोराने सीएसकेचे दोन फलंदाज बाद करत आपली चुणूक दाखवली.

(IPL 2024 Marathi News)