IPL 2022: डेव्हिड वॉर्नर आयपीएलमध्ये दिल्ली कॅपिटल्सकडून खेळत आहे. डेव्हिड वॉर्नर गेल्या वर्षीपर्यंत सनरायझर्स हैदराबाद संघाचा भाग होता, परंतु यावर्षी मेगा लिलावात दिल्ली कॅपिटल्सने डेव्हिड वॉर्नरला ६ कोटी २५ लाखांना विकत घेतले. वॉर्नर दिल्ली फ्रँचायझी संघाकडून खेळण्याची ही पहिलीच वेळ नाही. याआधी आयपीएल 2009 मध्येही तो या फ्रँचायझीचा भाग होता, पण तेव्हा संघाचे नाव दिल्ली कॅपिटल्सऐवजी दिल्ली डेअरडेव्हिल्स असे होते. वीरेंद्र सेहवाग दिल्ली डेअरडेव्हिल्सचा कर्णधार होता. टीम इंडिया या माजी क्रिकेटपटूने 13 वर्षांनंतर वॉर्नरबद्दल मोठा आणि धक्कादायक खुलासा केला आहे.(Virender Sehwag David Warner)

सेहवाग क्रिकबझवर म्हणाला की जेव्हा वॉर्नर पहिल्यांदा दिल्ली कॅपिटल्समध्ये सामील झाला तेव्हा त्याचे लक्ष खेळापेक्षा पार्टी करण्यावर जास्त होते. पहिल्या वर्षी वॉर्नरचे काही दोन-तीन खेळाडूंशी भांडण झाले होते, त्यामुळे आम्ही त्याला शेवटच्या दोन सामन्यांपूर्वी परत पाठवले होते. त्यावेळी मी माझा राग काही खेळाडूंवर काढला आणि डेव्हिड वॉर्नर त्यापैकी एक होता.

सेहवाग पुढे म्हणाला, 'कधीकधी असं होतं की एखाद्याला धडा शिकवण्यासाठी तुम्ही काहीतरी नवीन करता. तो संघात नवा खेळाडू होता, त्यामुळे त्याला दाखवून देणं गरजेचं होतं की संघासाठी फक्त तूच महत्त्वाचा नाही, बाकीचेही आहेत. इतर अनेक खेळाडूही आहे जे तुझ्या जागी संघासाठी सामने जिंकू शकतात आणि तसे घडले. आम्ही वॉर्नरला संघाबाहेर ठेवले आणि आम्ही जिंकलो.