मृत आणि जखमींमध्ये फुटबॉल खेळणाऱ्या खेळाडूंचा समावेश आहे.
इराकची राजधानी बगदादमध्ये (Baghdad Iraq) फुटबॉल स्टेडियमजवळ (Football Stadium) स्फोट झाला आहे. या दुर्घटनेत 10 जणांचा मृत्यू झाला, तर 20 हून अधिक जण जखमी झाले आहेत. रिपोर्टनुसार, फुटबॉल खेळत असताना हा स्फोट झाला.
मृत आणि जखमींमध्ये फुटबॉल खेळणाऱ्या खेळाडूंचा समावेश आहे. रिपोर्टनुसार, स्टेडियमजवळ उभ्या असलेल्या गॅस टँकरमध्ये (Gas tanker) हा स्फोट झाला. स्फोट इतका जोरदार होता की, आजूबाजूच्या घरांच्या खिडक्या आणि दरवाजे हादरू लागले. तसेच घटनास्थळाजवळ उभ्या असलेल्या अनेक वाहनांचंही नुकसान झालंय.
इराकचे राष्ट्राध्यक्ष अब्दुल लतीफ रशीद (President of Iraq Abdul Latif Rashid) यांनी या घटनेच्या चौकशीचे आदेश दिलेत. या दुर्घटनेला जबाबदार असणाऱ्यांना शिक्षा करण्याचंही आदेश त्यांनी दिले आहेत.
त्याच वेळी, सोमालियाची राजधानी मोगादिशूमध्ये शनिवारी एका प्रमुख सरकारी कार्यालयाजवळ गर्दीच्या ठिकाणी दोन स्फोट झाले. यात अनेक नागरिकांचा मृत्यू झाला. सोमालिया नॅशनल न्यूज एजन्सीनं पोलिस प्रवक्ते सादिक डोदिशे यांच्या हवाल्यानं म्हटलंय की, 'दोन कारमध्ये हा बॉम्ब स्फोट झाला आहे. अनेक जखमींना रुग्णालयात नेण्यात आलं असून घटनास्थळावरून अनेक मृतदेह आणण्यात आले आहेत.'
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.