भारतीय संघाला दोन वर्ल्ड कप जिंकून देणारा कर्णधार महेंद्रसिंह धोनी (MS Dhoni) क्रिकेट जगतातील लोकप्रिय खेळाडूपैकी एक आहे. क्रिकेट चाहतेच नाही तर क्रिकेटरही धोनीचे फॅन्स आहेत. प्रतिस्पर्धी खेळाडूंच्या मनात धोनीबद्दल आदर असल्याचे अनेक सामन्यादरम्यान पाहायलाही मिळाले आहे. त्यात जर धोनीनं एखाद्याला गिफ्ट मिळालं तर त्याच्यासाठी ही गोष्ट अविस्मरणीयच ठरते. पाकिस्तान संघाचा क्रिकेटर हॅरिस राउफ ( (Haris Rauf) ) याच्याबाबतीत असेच काहीसे घडलं आहे.

महेंद्रसिंह धोनीने पाकिस्तानचा युवा जलदगती गोलंदाज हॅरिस राउफ (Haris Rauf) याला एक स्पेशल गिफ्ट पाठवलं आहे. धोनीने त्याला चेन्नई सुपर किंग्जची जर्सी दिली आहे. राउफने हे गिफ्ट मिळाल्याची माहिती ट्विटरच्या माध्यमातून दिली. त्याने धोनीने चेन्नई सुपर किंग्जची आपली सात नंबरची जर्सी दिल्याचा फोटो हॅरिस राउफने शेअर केलाय.

धोनीविषय काय म्हणाला पाकिस्तानी खेळाडू

राउफने ट्विटरच्या माध्यमातून धोनीचे आभार मानले आहेत. त्याने ट्विटमध्ये लिहिलंय दिग्गज आणि कॅप्टन कूल धोनीकडून मला खास गिफ्ट मिळाले. हा मी माझा सन्मान समजतो. रसेलचही आभार! असे ट्विट करत त्याने धोनीने दिलेल्या गिफ्टबद्दल आनंद व्यक्त केला आहे.

बीबीएलमध्ये खेळतोय राउफ

सध्याच्या घडीला पाकिस्तानी क्रिकेटर बिग बॅश लीगमध्ये खेळत आहे. यंदाच्या हंगामात तो मेलबर्न स्टार्सचे प्रतिनिधीत्व करताना दिसतोय. बिग बॅश लीगमध्ये आतापर्यंत त्याने 2 सामन्यात तीन विकेट्स घेतल्या आहेत. 2 जानेवारीला पर्थ स्कॉचर्सकडून राउफने 40 धावा खर्च करुन दोन विकेट घेतल्या होत्या. तर मेलबर्न रेनेगेड्सविरुद्धच्या सामन्यात त्याने 26 धावा खर्च करुन एक विकेट घेतली होती.

राउफची पाकिस्तानकडून कामगिरी

राउफने पाकिस्तान संघाकडून वनडे आणि टी-20 सामने खेळले आहेत. अद्याप त्याला कसोटीत संधी मिळालेली नाही. त्याने पाकिस्तानकडून 34 टी20 सामन्यात 41 विकेट घेतल्या आहेत. 22 धावा खर्च करून 4 विकेट ही त्याची सर्वोच्च कामगिरी आहे. 8 वनडे सामन्यात त्याच्या खात्यात 14 विकेट्सची नोंद आहे.