Malaysia Masters : भारताची दोन वेळची ऑलिम्पिक पदक विजेती पी. व्ही. सिंधूने मलेशिया मास्टर्समध्ये चीनच्या बिंग जिआओचा पहिल्या फेरीत पराभव केला. सातवी सिडेड सिंधून जिआओचा एक तास चाललेल्या सामन्यात 21-13, 17-21, 21-15 अशा तीन गेममध्ये पराभव केला. (P V Sindhu Defeat China He Bing Jiao In Malaysia Masters Take Revenge)

गेल्या महिन्यात इंडोनेशिया ओपनमध्ये सिंधूला चीनच्या जिआओने पहिल्याच फेरीत पराभवाचा धक्का दिला होता. त्याचा बदला सिंधूने मलेशिया मास्टरमध्ये बुधवारी घेतला. सिंधू आणि जिआओ यांच्यात आतापर्यंत 19 लढती झाल्या आहेत. त्यातील चीनच्या जिआओने 10 लढती जिंकल्या आहेत तर सिंधूने 9 लढतीत विजय मिळवला आहे. सध्या हेड टू हेडमध्ये जीआओ आघाडीवर आहे. दुसरीकडे मलेशिया ओपन पुरूष एकेरीमध्ये बी साई प्रणीत आणि परूपल्ली कष्यप यांनी देखील दुसऱ्या फेरीत प्रवेश केला.

कष्यपने एक गेम गमावल्यानंतर जोरदार पुनरागमन केले. त्याने मलेशियाच्या टॉमी सुकिआत्रोचा 16-21, 21-16, 21-16 असा पराभव केला. दुसरीकडे समीर वर्माला तैवानच्या चाऊ टैन चेनने 21-10, 12-21, 14-21 असे पराभूत करून त्याचे आव्हान संपवले. आज एचएस प्रणॉय, सायना नेहवाल आणि महिला दुहेरीची जोडी एन सिक्की रेड्डी आणि अश्विनी पोनप्पा यांचा सामना होणार आहे.