WTC 2021-23 Team India Equation : ऑस्ट्रेलियाने दक्षिण आफ्रिकेचा तीन कसोटी सामन्यांच्या मालिकेत २-० असा पराभव केला. ऑस्ट्रेलियाने ब्रिस्बेन आणि मेलबर्न येथे झालेले पहिले दोन कसोटी सामने सहज जिंकले होते; तर सिडनी येथील कसोटी सामना अनिर्णीत राहिला आहे.
दक्षिण आफ्रिकाच्या संघाला सिडनी येथील शेवटची कसोटी न जिंकता आल्याने भारताची ‘जागतिक कसोटी अजिंक्यपद’ स्पर्धेची अंतिम फेरी खेळण्याची शक्यता वाढली आहे. भारताचा संघ सध्या कसोटी अजिंक्यपद स्पर्धेच्या गुणतक्त्यात दुसऱ्या स्थानावर आहे. तसेच श्रीलंकेचा संघ तिसऱ्या स्थानावर आहे.
हा सामना न जिंकता आल्याने ऑस्ट्रेलियाला फारसे नुकसान झाले नसले, तरी त्यांना भारतात होणाऱ्या चार कसोटी सामन्यांवर अवलंबून राहावे लागणार आहे. ऑस्ट्रेलियाचे अंतिम फेरीतील स्थान जवळपास पक्के असले, तरी ते कोणत्या क्रमांकाने अंतिम फेरीत खेळणार हे या भारतातील चार सामन्यांच्या मालिकेवर अवलंबून असणार आहे.
या जागतिक कसोटी अजिंक्यपद स्पर्धेच्या अंतिम फेरीत पोहचण्यासाठी ऑस्ट्रेलिया, दक्षिण आफ्रिका आणि भारत या तीन संघांमध्ये तीव्र स्पर्धा असणार आहे. दक्षिण आफ्रिका वेस्ट इंडिजविरुद्ध मायदेशात दोन कसोटी सामने खेळणार आहे. शिवाय भारत आणि ऑस्ट्रेलियामध्ये फेब्रुवारी आणि मार्च महिन्यात बॉर्डर गावसकर करंडक होणार आहे.
दक्षिण आफ्रिकेचा चिवट खेळ
ऑस्ट्रेलिया आणि दक्षिण आफ्रिकेमधील सिडनी येथे खेळविण्यात आलेला तिसरा कसोटी सामना अनिर्णीत राहिला आहे. ऑस्ट्रेलियाने तीन सामन्यांची मालिका २-० अशी जिंकली आहे. ऑस्ट्रेलियाच्या उस्मान ख्वाजाला सामनावीर म्हणून घोषित करण्यात आले, तर डेव्हिड वॉर्नर मालिकावीर ठरला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.