Navratri 2023 : सायंकाळ झाली की मेकअप करायला घ्यायचा, तो करतच त्यानंतर जो कोणता ड्रेस फायनल झाला असेल त्यावर मॅचिंग ज्वेलरी घालायची. आणि गरबा खेळताना पडू नये म्हणून थोडीशीच हिल असलेली सँडल घालायची आणि दांडिया सुरू असलेल्या मैदानात पळायचं, गेली दोन दिवस तरूणींच Evening Routine हेच आहे.

पण एवढी धावपळ करत केलेला लुक वाया जातो. जेव्हा त्या गरब्याच्या मैदानात सगळ्यांनी सारखाच घागरा, ज्वेलरी घातलेली असते. त्यामुळे आपली पत्नी किंवा मैत्रिण कशी ओळखायची हे कोडं मुलांना पडलेलं असतं.

तुम्हाला असा टिपिकल लुक करायचा नसेल तर हि बातमी नक्की वाचा. ज्यात तुम्हाला माधुरी दीक्षित, रवीना टंडन, सोनाली बेंद्रेचा यांच्यासारखेच सेम टू सेम दिसला येईल.  कसे ते पहा.

नाव घेतलं की शांत, लाघवी असा एक चेहरा समोर येतो. हम साथ साथ है, सरफरोश यांसारख्या चित्रपटातून सोनाली बेंद्रेनी काम केले आहे. सध्या अनेक टिव्ही रिऍलिटी शोतून सोनाली जजच्या रूपात दिसते.

भयानक आजारावर मात करून ती पुन्हा उभी राहीली आहे. सोनालीचा फॅशन सेन्स अगदी सुंदर आहे. ती कधीच ओव्हर ड्रेसअप करत नाही. (Navratri Fashion) 

यंदा तुम्हालाही सोनाली सारखंच सुंदर दिसायचं असेल तर लाल रंगाच्या शॉर्ट कुर्ती आणि धोती स्टाइल स्कर्टमधला सोनाली बेंद्रेचा हा लूक स्टायलिश आणि स्टनिंग आहे. अशा प्रकारचा फ्यूजन लूक गरबा नाईटसाठी तयार केला जाऊ शकतो.

रवीना टंडन

रवीना टंडन नेहमीच तिच्या लुकने लक्ष वेधून घेते. तिच्या लुकने आजही ती चाहत्यांना घायाळ करते. गरबा नाईटसाठी रवीना सारखा क्लासी लुक करायचा असेल तर तुम्ही हा ड्रेसअप करू शकता. लुंगी स्टाइल स्कर्ट आणि क्रॉप टॉप जोडून स्टायलिश लूक मिळवता येतो. (Fashion Tips)

रकुल प्रित सिंग

सध्या प्लाझोचा ट्रेंड आहे. प्लाझोवर कोणत्याही प्रकारचा टॉप उठून दिसतो. प्लाझोवर शॉर्ट अन् लाँग टॉपही सुरेख दिसतो. तुम्हाला प्लाझोवर गरबाही सुंदर करता येईल. तुम्ही गरबा नाईटसाठी रकुल प्रीत सारखा पलाझो सूट आणि जॅकेट जोडले तर तुम्हाला एक अतिशय अनोखा आणि स्टायलिश लुक मिळेल.

माधुरी दीक्षित

माधुरी दीक्षित बस नाम ही काफी है! नृत्यातला कोणताही प्रकार असो शास्त्रिय संगीत वा डिस्को. माधुरीला येत नाही असं नाही. सगळ्यांच्या काळजात आजही त्या राज्य करतात. गरबा रात्रीमध्ये हेवी लेहेंग्याऐवजी, माधुरी दीक्षितसारखे क्रॉप टॉप आणि लाँग स्कर्ट वापरून पहा. यामध्ये तुम्हाला एथनिक लूक मिळेल आणि कम्फर्टेबलही असेल.