Saree Fashion Tips : महिलांमध्ये नव नव्या साड्यांची फॅशन जास्त आहे. त्यातही सध्या वेलवेट अन् डिझायनर साडीची क्रेझ त्यांच्यात पहायला मिळत आहे. अशातच काही स्त्रिया एखादीच पण महागडी साडी घेतात. पण सतत तिच साडी नेसून सगळे कार्यक्रम अटेंड करतात.

जेव्हा एखाद्या इव्हेंटमध्ये तिच्याकडे फक्त हि एकच साडी आहे, असं तिला ऐकवलं जातं तेव्हा मग ती साडी फेकून देते. किंवा नेसायची बंद करते. असं प्रत्येकीच्या बाबतीत घडतं. आता प्रत्येकवेळी नवीकोरी तेही महागडी साडी घ्यायला आपण काही अंबानी कुटुंबातील नाही. आणि थोडेच दिवस नेसलेली साडी फेकून द्यायला इतकेही श्रीमंत नाही.

मग, अशावेळी करायचं काय, या सगळ्यावर एक उपाय आहे. तुम्ही तीच साडी नेसून जाल आणि कोणाला कळणार देखील नाही. त्यामुळेच जुन्या साडीला पुन्हा एकदा नव्याकोऱ्या लुकमध्ये कसे प्रेझेंट कराल या घ्या आयडीया.

साडी बेल्ट स्टाइल

सध्या कोणत्याही डिझायनर साडीवर बेल्ट घालण्याचा ट्रेंड आला आहे. ज्यामुळे साडीला नवा लुक आला आहे. बेल्ट स्टाइल नेहमीप्रमाणे तुमची साडी घाला आणि फक्त बेल्ट घाला. पारंपारिक लूक मिळवायचा असेल तर कमरबंदही वापरू शकता. ऑफ-शोल्डरसारखा स्टेटमेंट ब्लाउज तुमचा लुक आकर्षक बनवू शकतो.

धोती स्टाईल

जुनी साडी स्टाईल करण्यासाठी तुम्ही धोती स्टाईलमध्ये ड्रेप करू शकता. या प्रकारची साडी नेसण्यासाठी पेटीकोट ऐवजी लेगिंग्ज घालता येते. तुम्ही जीन्सही या पँटमध्ये घालता येते. कॉलेज तरूणींच्या ट्रॅडिशनल डेमध्ये हा ट्रेंड आहे.  

लेहेंगा स्टाईल साडी

लेहेंगा स्टाईल ड्रेप बनवणे खूप सोपे आहे कारण तुम्हाला थोडे अंतर ठेवावे लागते. तुम्ही पल्लू उघडे ठेवू शकता किंवा प्लीट्सने खांद्यावर पिन करू शकता. तुम्ही ब्लाउजसोबतही स्टाईल करू शकता.

फ्रंट पल्लू स्टाइल

पल्लू तुमच्या डाव्या खांद्यावर नेण्याऐवजी तुम्ही उजव्या खांद्यावर मागून घ्या. ही गुजराती शैली आहे. या लुकमध्ये तुम्ही प्लीट्स देखील जोडू शकता. किंवा पल्लू उघडे ठेवू शकता.

नेक ड्रेप पल्लू

या प्रकारच्या स्टाइलसाठी, तुम्हाला फक्त पल्लूला दुपट्ट्याप्रमाणे तुमच्या गळ्यात वळवावे लागेल. ही शैली मिळविण्यासाठी, तुम्हाला तुमच्या पल्लूची लांबी लांब ठेवावी लागेल.