महाराष्ट्रसह देशभरात उन्हाचा कडाका वाढलाय. उन्हाळ्याच्या दिवसांत अनेक शारिरीक समस्यांना सामोरे जावे लागेत. त्यात घामोळ्यांचाही त्रास होणे खुप स्वाभाविक झाले आहेत. या घामोळ्यांमुळे त्वचेवर रॅशेस, त्वचा लाल होणे, खाज येणे यामुळे भयानक त्रास होतो. यासाठी आपण अनेक तात्पुरते पर्याय म्हणून अनेक उत्पादने वापरतो. मात्र कधी कधी हे उत्पादनापासून रिॲक्शन होण्याचा धोका असतो. त्यामुळे काही घरगुती उपचारांनी घामोळ्यांची समस्या कमी करण्यास मदत होते. त्यातील काही सोपे घरघुती उपचार जाणून घेऊया. (Sweaty pores found a lot in summer check some easy tips)

कडूलिंब -

कडूलिंबाच्या पानांनी त्वचेचे इन्फेक्शन दूर होण्यास मदत होते. कडूलिंबाच्या पानांची पेस्ट बनवून लावल्याने घामोळयांची समस्या दूर होते. तसेच सकाळी अंघोळीच्या पाण्यात कडूलिंबाची पानं उकळवून त्याने अंघोळ केल्यानेही फायदा होतो.

बेकिंग सोडा -

बेकिंग सोड्यात पाणी मिसळून त्याची पेस्ट तयार करुन घामोळ्या आलेल्या जागेवर १५ मिनिटे ठेवा. त्यानंतर थंड पाण्याने धुवा. हा उपायाने घामोळयांची समस्या दूर होते.

मुलतानी माती -

मुलतानी माती आणि गुलाब पाणी एकत्र करुन प्रभावित जागेवर लावा सुकल्यानंतर धुवून टाका. हे मिश्रण आठवड्यातून चार वेळा लावा. तुम्हाला प्रभाव दिसून येईल.

कच्चा बटाटा -

कच्च्या बटाट्याच्या रसात गुलाब पाणी मिसळून घामोळ्या आलेल्या ठिकाणी लावावे. २० मिनिटानंतर साध्या पाण्याने धुवून टाका.

चंदन पावडर -

चंदन पावडर आणि गुलाब जल एकत्र करून ही पेस्ट २० ते २५ मिनिटे घामोळ्यांवर लावून ठेवल्यानेही घामोळयांची समस्या दूर होते.

याशिवाय सैलसर आणि सुती कपडे घाला त्यामुळे त्वचा घामाने ओलसर होणार नाही.

जास्तीत जास्त थंड व कोरड्या वातावरणात राहावे. जास्तीत जास्त पाणी प्यावे आणि कलिंगड, खरबूज, काकडी अशी पाणीदार फळे खावीत

एखाद्या ठिकाणी घामोळ्या येण्यास सुरुवात झाली आहे असे वाटल्यास त्याठिकाणी कोरफडीचा गर लावणे किंवा थंड पाण्याने तो भाग धुणे यामुळे खाज कमी होण्यात मदत होते.