सध्या काहींच्या घरी मायक्रोवेव्ह ओव्हन स्वयंपाकघरातील सर्वात आवश्यक उपकरणांपैकी एक बनले आहे. त्याचा वापर करण्याचे काही विशेष फायदे देखील आहेत, जसे की यामुळे तुमचा वेळ वाचतो आणि अन्न लवकर गरम होते आणि तुम्ही आरामात बसून आनंदाने जेवण करु शकता. काहीजण सहसा विचार न करता मायक्रोवेव्हमध्ये अन्न गरम करण्यासाठी प्लास्टिकची भांडी वापरतात, परंतु असे करणे किती हानिकारक असू शकते हे तुम्हाला माहिती आहे का?

एका अभ्यासानुसार, प्लास्टिकच्या भांड्यांमध्ये अन्न गरम केल्यामुळे, प्लास्टिकमधून काही हानिकारक रसायने देखील अन्नात जातात, ज्यामुळे तुमचे आरोग्य बिघडू शकते. यामुळे अनेक आजारांचा धोका वाढतो. जरी तुम्ही अन्न गरम करत नसाल तरीही ते फक्त एका प्लास्टिकच्या भांड्यात ठेवले तरीही अगदी कमी प्रमाणात त्यातील रसायने अन्नाद्वारे शरीरात जातात. त्यामुळे सावध राहण्याची गरज आहे. मायक्रोवेव्हमध्ये गरम केलेले अन्न खाण्याचे काही तोटे आहेत ते जाणून घेऊया.

काही अभ्यासानुसार असे दिसून आले आहे की, मायक्रोवेव्हमध्ये अन्न वारंवार गरम केल्याने त्याचे पोषणमूल्य 90 टक्क्यांपर्यंत कमी होते आणि ते शरीराला हानी पोहोचवू शकते. आरोग्य तज्ञांचे म्हणणे आहे की, मायक्रोवेव्हमध्ये शिजवलेले अन्न जास्त काळ खाल्ल्याने आणि नियमितपणे शरीराची प्रतिकारशक्ती कमकुवत होते. मायक्रोवेव्हमध्ये प्लास्टिकच्या भांड्यामध्ये अन्न गरम केल्याने ते प्लास्टिकचे कण अन्नात निघून जातात. यावेळी आरोग्य तज्ज्ञांचे म्हणणे आहे की, यामुळे प्रजननक्षमतेवरही परिणाम होऊ शकतो.

मायक्रोवेव्हमध्ये अन्न गरम केल्यामुळे अन्नामध्ये काही बदल होतात, ज्यामुळे पाचन समस्या निर्माण होतात. या व्यतिरिक्त, हे वारंवार आणि नियमितपणे केल्याने डायबिटीज, लठ्ठपणा आणि अगदी कॅन्सर देखील होऊ शकतो.

अशी खबरदारी घ्या...

- जास्त काळ मायक्रोवेव्हमध्ये पाणी किंवा इतर द्रव गरम करू नका.

- तसे, आपण मायक्रोवेव्हमध्ये द्रव गरम न केल्यास ते उत्तम राहिल.

- निर्धारित वेळेपेक्षा जास्त अन्न गरम करू नका किंवा शिजवू नका, कारण यामुळे उर्वरित पोषक तत्वे नष्ट होतील.

- मायक्रोवेव्हमध्ये लहान मुलांचे अन्न शिजवू नका किंवा गरम करू नका.