Chhagan Bhujbal reacted on Sharad Pawar: अजित पवारांच्या बंडामुळे महाराष्ट्रात राजकीय अस्थिरता निर्माण झाली. अजित पवारांनी पक्षावर दावा केल्यानंतर शरद पवार यांनी कायद्याचा आधार न घेता राष्ट्रवादी कॉंग्रसे पक्ष कोणाचा हे थेट जनताच ठरवेन अशी भूमिका घेतली.

शरद पवार पक्षबांधणीसाठी जनतेत उतरणार असल्याची घोषणा केल्यानंतर येवल्यात पहिली सभा घेतली. शरद पवारांच्या या सभेवर छगन भुजबळ यांनी टीका केली.

छगन भुजबळ इगतपुरीमध्ये माध्यमांशी बोलताना म्हणाले की, "पवार साहेंबाचं माझ्यावर अतोनात प्रेम आहे. राष्ट्रावादी कॉंग्रेस पक्ष जेव्हा तयार झाला, तेव्हा पक्ष उभारणीसाठी पहिला नेता उभा राहिला, तो म्हणजे छगन भुजबळ. मी पहिल्यांदा त्यांच्यासोबत होतो म्हणून माझा पहिला नंबर."

यापुढे ते म्हणाले की , "येवल्यात ते पहिल्यांदा आलेत कारण त्यांचं भुजबळांवर प्रेम अधिक आहे." एवढचं नव्हे तर राष्ट्रवादी कॉंग्रेस पक्षाच्या स्थापनेबाबत छगन भुजबळ म्हणाले की पक्षाचं नाव, चिन्ह हे त्यांच्या रामटेक बंगल्यावर झालेल्या बैठकीत ठरवण्यात आलं.

यावेळी माध्यमांकडून प्रश्न करण्यात आला होता की शरद पवार यांच्या सभेचं आव्हान वाटतं का? यावर उत्तर देताना छगन भुजबळ म्हणाले की साहेब सभेत देणार नाहीत, दिला तर उपदेश देतील.

छगन भुजबळ यांनी यावेळी कांद्याच्या प्रश्नावर बोलणं टाळलं. इतर मुद्यांवर रविवारी (दि.९ जुलै) बोलू असे वक्तव्य त्यांनी केले. शरद पवार यांच्या सभेला प्रतिसभा न घेण्याचा मानसही त्यांनी बोलून दाखवला.

शरद पवार यांनी येवल्यात रविवारी सभा घेतली. यावेळी त्यांच्यासोबत सुप्रिया सुळे आणि अमोल कोल्हे हे देखील उपस्थित होते.