मुंबई : राज्यात आज दिवसभरात 6,959 नवीन रुग्णांची नोंद झाली. त्यामुळे करोना बाधित रुग्णांची एकूण संख्या 63,03,715 झाली आहे. तर अॅक्टिव्ह रुग्णांची संख्या कमी होऊन 76,755 इतकी झाली. तर राज्यात आज 225 कोविड बाधित रुग्णांच्या मृत्यूची नोंद झाली. (corona update maharashtra daily corona news aau85)

कोल्हापूर आणि औरंगाबाद मंडळात आज सर्वाधिक मृत्यू झाले असून तिथे 61 मृत्यूची नोंद झाली. तर ठाणे 22, नाशिक 35, पुणे 27, लातूर 6, अकोला 6, लातूर 7, नागपूर 7 मृत्यू नोंदवले गेले. राज्यातील मृत्यूदर 2.1 टक्के इतका आहे. तर मृतांचा एकूण आकडा 1,32,791 वर पोहोचला आहे.

आज दिवसभरात 7,467 रुग्ण बरे होऊन घरी गेले. कोरोनातून बरे होणाऱ्या रुग्णांची संख्या 60,90,786 इतकी आहे. यामुळे राज्यातील रुग्ण बरे होण्याचे प्रमाण  96.62 टक्के एवढे झाले आहे.

आजपर्यंत तपासण्यात आलेल्या 4,79,67,609 प्रयोगशाळा नमुन्यांपैकी 63,03,715 (13.14 टक्के) नमुने पॉझिटिव्ह आले आहेत. सध्या राज्यात 4,76,609 व्यक्ती होमक्वारंटाईनमध्ये आहेत तर 3,166 व्यक्ती संस्थात्मक क्वारंटाईनमध्ये आहेत.