गौतमी पाटील वरील टीकेनंतर इंदुरीकर महाराजांनी आता प्रसार माध्यमांची आणि सोशल मीडियाची धास्ती घेतल्याचं दिसुन येत आहे. नांदेड मध्ये झालेल्या एका कार्यक्रमामध्ये इंदूरीकर महाराजांनी कार्यक्रमात चित्रीकरण करणारे कॅमेरे आणि मोबाईलवर बंदी घातली. (Latest Marathi News)

आपल्या कार्यक्रमातील शब्द कुठल्याही कॅमेरात किंवा मोबाईलमध्ये टिपले जाऊ नयेत यासाठी इंदूरीकर महाराजांनी (Indurikar Maharaj) कार्यक्रम सुरू होण्यापूर्वीच कॅमेरे आणि मोबाईल (Mobile) वापरावर बंदी घातली त्यानंतरच कार्यक्रमाला सुरुवात केल्याचं दिसून आलं.

इंदुरीकर महाराज कीर्तन करताना आपल्या शैलीतून अनेकांचा समाचार घेत असतात. सध्या गौतमी पाटील हिने आपल्या कार्यक्रमाच्या माध्यमातून राज्यभरात धुडगूस घातला आहे. इंदूरीकर महाराजांनी देखील एका कार्यक्रमात गौतमी पाटीलचा समाचार घेत तिला लक्ष केलं होत.

गौतमी पाटील ही एका गाण्यासाठी तीन लाख रुपय घेते असे वक्तव्य इंदूरीकर महाराज यांनी केलं होतं. त्यांच्या या वक्तव्याने नवीन वाद निर्माण झाला होता. महिला संघटनांनी या वक्तव्याचा निषेध करत इंदुरीकर महाराज महिला विरोधी असल्याची टीका त्यांच्यावर झाली होती.

या प्रकारानंतर इंदुरीकर महाराज यांनी सावध भूमिका घेतली आहे. आपल्या कीर्तनातून बाहेर काही जाऊ नये म्हणून नांदेड (Nanded) येथील कार्यक्रमात मोबाईल आणि चित्रीकरण करणारे कॅमेरे हटवले आणि त्यानंतरच कार्यक्रमाला सुरुवात करण्यात आली.