Uddhav Thackeray News: उद्धव ठाकरे यांची नार्कोटेस्ट करा म्हणजे कुठल्या कंपनीकडून किती पैसे घेतले हे कळेल, असा आरोप शिवसेनेचे आमदार सुहास कांदे यांनी केला आहे.

उद्धव ठाकरेंनी जनतेसाठी नाही, तर श्रीधर पाटणकर यांची चौकशी होऊ नये म्हणून राजीनामा दिला असल्याचा खळबळजनक आरोप सुहास कांदे यांनी केला आहे. हे सगळं सत्य बाहेर यावं म्हणूनच उद्धव ठाकरे यांची नार्को टेस्ट करणं गरजेचं असल्याचं सुहास कांदे यांनी म्हंटलं आहे.

उद्धव ठाकरेंची काल (रविवारी) मालेगाव येथे सभा पार पडली. या सभेमध्ये उद्धव ठाकरेंनी मुख्यमंत्री एकनाथ शिंदेंसह त्यांच्यासोबत गेलेल्या सर्वच आमदारांना लक्ष केलं.

तसेच, अनेक गंभीर आरोप करत घणाघाती टीका देखील केली. यासंदर्भात शिवसेना आमदार सुहास कांदे यांनी माध्यमांशी बोलताना आपली प्रतिक्रिया दिली आहे.

सुहास कांदे पुढे बोलताना म्हणाले की, "उद्धव ठाकरेंना माझं जाहीर आव्हान माझीही नार्को टेस्ट कराच, पण मी 10 कॉन्ट्रॅक्टर्सची नावं सांगतो, त्यांच्याकडून तुम्ही किती पैसे घेतले, त्याचीही टेस्ट होऊ द्यात.

मी फक्त चारच प्रश्न विचारतो, त्यांनी मला शंभर प्रश्न विचारावेत. माझ्या नार्को टेस्टमध्ये मी सरकार बदलीसाठी एक रुपया जरी घेतल्याचं आढळलं तर मी राजकारणातून संन्यास घेईल" असंही ते यावेळी बोलताना म्हणालेत.(Latest Marathi News)

तर उद्धव ठाकरेंनी मुख्यमंत्रीपदाचा राजीनामा का दिला? हे जनतेला माहीत नसेल पण आम्हाला माहित आहे. उद्धव ठाकरेंनी राजीनामा श्रीधर पाटणकरांची चौकशी थांबवण्यासाठी दिला.

त्यांच्यावरची अटकेची तलवार होती, जर यांना अटक झाली तर त्यांच्या चौकशीतून संशयाची सुई कोणाकडे जाईल, याच भीतीपोटी उद्धव ठाकरेंनी राजीनामा दिला.", असं सुहास कांदे यांनी म्हंटलं आहे.