पाटील आडनावाला आमचा विरोध नाही, फक्त तिने अश्लील हावभाव करू नये, असं मराठा महासंघाच्या नेत्या अनुराधा ठाकरे यांनी म्हटलं आहे. गेल्या काही दिवसांपासून गौतमीच्या पाटील आडनावावरून मोठा वाद निर्माण झाला आहे. पण गौतमी आपल्या आडनावावर ठाम आहे. अशातच आता मराठा महासंघाकडून आपली भूमिका स्पष्ट करण्यात आली आहे. (maratha mahasanghas reaction on gautami patil surname controversy )

मराठा महासंघाची भूमिका काय?

अनुराधा ठाकरे या जालन्यात बोलत होत्या. पाटील ही पदवी आहे. अनेक समाजात पाटील हे आडनाव लावलं जातं. पाटील हे आडनाव कुणाचीही मक्तेदारी नाही. त्यामुळे गौतमीच्या पाटील आडनावाला आमचा विरोध नाही, फक्त तिने अश्लील हावभाव करू नये, जेणेकरून युवा पिढीला त्रास होणार नाही, असं स्पष्ट आणि परखड मत मराठा महासंघाच्या नेत्या अनुराधा ठाकरे यांनी व्यक्त केलं आहे.(Latest Marathi News)

शिवाय त्यांनी गौतमीच्या पाटील आडनावाला समर्थन देखील दिलं आहे.

संभाजीराजे छत्रपतींनी देखील या वादावर आपली भूमिका स्पष्ट केली आहे. महिलांनी आपले गुण व कतृत्व दाखवायला पाहिजे. त्यासाठी सर्वांनी त्यांच्या पाठीशी उभे राहायला हवे.

मराठा समाजातच नाही तर अनेक समाजातील लोक सुद्धा पाटील आडनाव लावतात. त्यामुळे पाटील हे आडनाव नसून तो किताब आहे. कलाकारांना सुरक्षा मिळायला पाहिजे, असं मत संभाजीराजे छत्रपती यांनी व्यक्त केलं आहे. (Latest Marathi News)

गौतमीच्या पाटील आडनावावरुन वाद?

प्रसिद्ध नृत्यांगना गौतमी पाटील हिच्या पाटील आडनावावरून वाद निर्माण झाला आहे. गौतमी पाटील हिचे खरे आडनाव पाटील हे नसून ते चाबूकस्वार असे आहे असे मराठा संघटनांनी जाहीर केले होते. काही मराठा संघटनांनी गौतमीला पाटील आडनाव वापरण्यास मनाई केली आहे. गौतमीने पाटील आडनाव वापरल्यास तिचे कार्यक्रम बंद पाडू असा इशारा देण्यात आला आहे.(Entertainment News in Marathi)