नागपूर : विधिमंडळ अधिवेशनात मराठा आरक्षणासंदर्भात सर्वोच्च न्यायालयातील याचिकांमध्ये राज्य शासनाची बाजू मांडणारे वकील बदलल्याच्या समाजमाध्यमामध्ये तसेच काही वृत्तपत्रांमध्ये प्रसिद्ध झालेल्या बातम्या तथ्यहीन व दिशाभूल करणाऱ्या असल्याचे स्पष्टीकरण विधानपरिषदेत सभागृह नेते सुभाष देसाई यांनी दिले आहे.

ताज्या बातम्यांसाठी डाऊनलोड करा ई-सकाळचे ऍप

मराठा आरक्षणासंदर्भात वकील बदलल्याच्या बातम्या आल्यानंतर खासदार छत्रपती संभाजीराजे यांनी मुख्यमंत्री उद्धव ठाकरे यांना पत्र लिहत तीव्र शब्दांत नाराजी व्यक्त केली होती. त्यानंतर मुख्यमंत्री उद्धव ठाकरे यांनी फोन करुन याबद्दल सांगितले असल्याचे छत्रपती संभाजीराजे यांनी सांगितले होते. कुठल्याही परिस्थितीत मराठा आरक्षण संबंधातील वकील बदलले जाणार नसल्याचे आश्वासन मुख्यमंत्र्यांनी दिले असल्याचे खा. संभाजीराजे यांनी ट्विट करत सांगितले होते. 

राष्ट्रवादीकडून 'या' दोन नेत्यांना विधानपरिषदेचे गिफ्ट 

संभाजीराजे म्हणाले, 'मराठा आरक्षण मिळवण्याकरिता समाजाने खूप मोठा त्याग केला आहे. अनेक दशकांपासून हा लढा चालू आहे. कित्येकांनी आपले बलिदान सुद्धा दिलं. आजही मराठा आरक्षणाची केस सर्वोच्च न्यायालयात लढवली जात आहे. मी स्वतः प्रत्येक तारखेला न्यायालयात उपस्थित राहत असतो. आज एक केस लागली असताना लक्षात आलं की मुकुल रोहतगी आणि नाडकर्णी या जेष्ठ वकिलांना बाजू मांडण्यास नाकारण्यात आले. मी तात्काळ मुख्यमंत्र्यांना पत्र लिहून कळवले. नवीन सरकारी वकील साहेब आले आहेत, त्यांनी काहीएक विचार करून यांना थांबवले, हे लक्षात आले. मी माझी चिंता व्यक्त केली. 

उद्धव ठाकरेंचा संभाजीराजेंना फोन; पत्राची घेतली तात्काळ दखल

यानंतर मुख्यमंत्री उद्धव ठाकरे यांनी तात्काळ दखल घेत, यावर माझ्याशी संपर्क केला. आणि त्यांनी पूर्ण विश्वास दिला की मराठा आरक्षणाच्या संदर्भात कोणतीही कसूर ठेवली जाणार नाही. त्यामुळे समाजाच्या वतीने मी त्यांचे आभार मानतो, आणि ते असेच सहकार्य करतील असा विश्वासही व्यक्त करतो, असे संभाजीराजे यांनी स्पष्ट केले होते.