मागील काही दिवसांपासून राज्यातील कोकणासह पश्चिम महाराष्ट्रात मुसळधार पावसाची बॅटिंग सुरु आहे. काल हवामान खात्याने दिलेल्या माहितीनुसार, राज्यात मुसळधार पाऊस कोसळणार असून काही जिल्ह्यांना रेड अलर्ट जारी करण्यात आला आहे. त्यामुळे काही भागांत पावसाची जोरदार संततधार सुरु आहे. दरम्यान, आता पुढील ४८ तासात महाराष्ट्राला मुसळधार पावसाचा इशारा हवामान खात्याकडून देण्यात आला आहे. त्यामुळे मुंबई, कोकण, पुणे, नाशिकच्या काही भागात पावसाचा जोर आणखी वाढणार आहे. या जिल्ह्यांना रेड अलर्ट जारी करण्यात आला आहे. (monsoon weather update)

हवामान खात्याने या संदर्भात ट्वीट करत माहिती दिली आहे. आज मुंबई, ठाणे, नवी मुंबई, पनवेल, रायगडसह कोकणसह संपूर्ण राज्यात जोरदार पाऊस सुरु आहे. दरम्यान, कोकणासह राज्यात पुढील काही दिवस पावसाचा जोर वाढण्याची शक्यता आहे. त्यामुळे कोकणासह पश्चिम महाराष्ट्रातील अनेक भागात मुसळधार पावसाची शक्यता वर्तवण्यात आली आहे. त्यामुळे महत्वाच्या कामाव्यतरिक्त घरातून बाहेर न पडण्याचे आवाहन करण्यात आले आहे.

या महिन्याच्या सुरवातीपासून तापमानात बदल होत असल्याने कोकणातील रत्नागिरी, सिंधुदुर्ग व मध्य महाराष्ट्रातील दक्षिण भागातील सातारा, कोल्हापूर या जिल्ह्यात पावसाची संततधार सुरु आहे. जून महिना पूर्णत: कोरडा गेला आहे. मात्र जुलै महिन्यात पाऊस सुरु झाला आहे. आता पुन्हा एकदा हवामान खात्यानं नाशिक, पुणे आणि कोकणात रेड अलर्ट जारी केला आहे. त्यामुळे पुढील ४८ तासांत या जिल्ह्यात सतर्कतेचा इशारा देण्यात आला आहे. तसेच कामाव्यतरिक्त बाहेर न पडण्याचे आवाहन केले आहे.