महाराष्ट्राचे नेतृत्व करणारे नेत गुजरातचे (Gujarat) नेतृत्व केव्हा पासून करू लागले. धारावीच्या पूर्ण विकासाचा विचार ते का करीत नाहीत? असा टोला काँग्रेसचे (Congress) प्रदेशाध्यक्ष नाना पटोले (Nana Patole) यांनी लगावला. आज त्यांनी ट्विट करत निशाणा साधला. २०२४ च्या विधानसभा निवडणुकीत काँग्रेसच सर्वाधिक जागा मिळवील. पुढचा मुख्यमंत्री काँग्रेसचाच असेल असा सूचक इशाराही त्यांनी यावेळी दिला.

देवेंद्र फडणवीस (Devendra Fadnavis)यांच्यावर निशाणा साधताना पटोले म्हणाले, धारावी पुनर्विकास प्रकल्पाकरिता रेल्वेची ४५ एकर अतिरिक्त जमीन मिळवण्यासाठी राज्य सरकारने केंद्राला ८०० कोटी रुपये दिले. म्हणजे देवेंद्र फडणवीस यांनी ८०० कोटी दिले अस समजायचं. पण, २०० कोटी जोपर्यंत तुम्ही देत नाही तोपर्यंत आम्ही जागा देणार नाही असे स्टेटमेंट फडणवीस यांनी केले आहे. असा आडमुटेपणा जर भाजपाचा असेल तर देशाचा विकास कसा होणार असा प्रश्नही त्यांनी उपस्थित केला.

धारावीच्या झोपडपट्टीचा मुद्दा उपस्थित करताना पटोले म्हणाले, महाराष्ट्राचे नेतृत्व करणारे नेत गुजरातचे नेतृत्व केव्हा पासून करू लागले. जनतेच्या हितासाठी काही नियम आपण शिथिल करतो. याला सरकार म्हणतात. मात्र भाजप ज्या पध्दतीने वागत आहे हे बरोबर नाही. मोदी सरकारमधील महाराष्ट्राचे मंत्री कधीपासून गुजरातचे हितचिंतक झालेत? धारावीच्या पूर्ण विकासाचा विचार ते का करीत नाहीत? असा प्रश्नही त्यांनी उपस्थित केला.