Police arrest man for abducting minor : वर्धा तब्बल १३ वर्षांपूर्वी अल्पवयीन मुलीस पळवून नेणार्‍या आरोपीस पुणे येथून अटक करण्यात आली. अनैतिक मानवी वाहतूक प्रतिबंध कक्षाने ही कारवाई केली. १६ वर्षीय मुलीला किशोर नंदू जाधव (वय ३९) रा.गारपिट (कारंजा घा.) याने फूस लावून पळवून नेल्याबाबतची तक्रार खरांगणा पाेलिसांत दाखल करण्यात आली हाेती.

गुन्ह्याच्या अनुषंगाने आरोपी व पीडित मुलीबाबत संपूर्ण माहिती संकलित करण्यात आली. आरोपी किशोर नंदू जाधव व अल्पवयीन मुलगी नारायणगाव (पुणे) येथे राहत असल्याचे निष्पन्न झाले.

पथकाने शिताफीने सापळा रचून आरोपीस पुणे येथून ताब्यात घेतले. पीडित मुलीबाबत विचारपूस केली असता मुलगी सोबत राहत असल्याचे त्याने सांगितले. आरोपीस अटक करण्यात आली. पुढील तपास खरांगणा पाेलिस करीत आहेत.

ही कारवाई पोलिस अधीक्षक सौरभकुमार अग्रवाल, अपर पोलिस अधीक्षक सदाशिव वाघमारे यांच्या निर्देशाप्रमाणे पोलिस निरीक्षक विनोद चौधरी यांच्या मार्गदर्शनात सुभाष राऊत, दिवाकर परिमल, खुशालपंत राठोड, नीतेश मेश्राम, अल्का कुंभलवार, नवनाथ मुंडे, अमित शुक्ला तसेच सायबर सेल येथील अक्षय राऊत, गोविंद मुंडे यांनी केली.