गुणरत्न सदावर्ते (Gunaratna Sadavarte) यांच्या वरील दोन्ही बाजूंचा युक्तिवाद पूर्ण झाला झाल्यानंतर दोन दिवसांची पोलिस कोठडी सुनावली आहे. दरम्यान गिरगांव कोर्टाच्या (Girgaon Court) बाहेर एफबी लाईव्ह करणाऱ्या सच्चिदानंद पुरी (Sachchidanand Puri) यांना पोलिसांनी ताब्यात घेतले आहे. सच्चिदानंद घरात याच्यामुळे तपासात मदत होणार असल्याचे प्रदीप घरत यांनी सांगितले.

किला कोर्टातून दोन दिवसांची पोलीस कोठडी संपल्यानंतर सदावर्ते यांना आज गिरगाव कोर्टात हजर करण्यात आलं होतं. तीन वाजल्यापासून ही सुनावणी सुरू होती. प्रदीप घरात हे राज्य सरकारची बाजू मांडत होते. तर सदावर्ते यांची बाजू गिरीश कुलकर्णी मांडत होते. या युक्तिवादा दरम्यान प्रदीप घरत यांनी सच्चिदानंद पुरी याचा उल्लेख केला होता.

सच्चिदानंद पुरी हा गिरगांव कोर्टाच्या बाहेर एफबी लाईव्ह करून संपूर्ण सुनावणीची अपडेट देत होता. कोर्टासमोर पोलिसांनी याला ताब्यात घेतल्याची माहिती सूत्रांकडून मिळतेय आहे. त्यांच्यावर अटकेची प्रक्रिया केली जाणार आहे. अभिषेक पाटील नावाचा फरार आरोपी देखील पोलिसांच्या रडारवर आहे. त्याचा देखील पोलीस शोध घेत आहेत.