मुंबई : मुख्यमंत्री उद्धव ठाकरे आजारी असल्यानं राज्याच्या कारभारात काही फरक पडलेला नाही. ते कॅबिनेटमध्ये नेहमी असतात, असे उद्योगमंत्री सुभाष देसाई (Subhash Desai) यांनी सांगितले. सुभाष देसाई यांच्याकडे मुख्यमंत्रीपदाचा कार्यभार देण्यात येणार अशी चर्चा सोशल मीडियावर होत आहे. याबाबत ते आज सोमवारी (ता.२०) प्रसारमाध्यमांशी बोलत होते. देसाई पुढे म्हणाले, मुख्यमंत्री अधिवेशनात सहभागी होतील. सोशल मीडियावर काय येतयं ते माहिती नाही. रामदास कदमांची पक्ष (Ramdas Kadam) दखल घेईल. ते नेते आहेत. गंभीर मुद्दे असतील तर गंभीर दखलच घेतली जाईल, असे स्पष्टीकरण त्यांनी कदम यांच्याबाबत दिले. दोन वर्षांनी ते हे बोलतायत. ही त्यांची निराशा आहे. आणखी ३ वर्षे वाट पाहा.(Subhash Desai Said, Chief Minister Uddhav Thackeray Is Sick, But Not Affect State Function)

नियमांप्रमाणेच तेव्हा मुकाबला आहे. काय होतंय ते पाहा, असे त्यांनी अमित शहा यांच्या आव्हानाला उत्तर दिले. हिंदुत्वावर संकट येईल तेव्हा हेच लोक शेपूट घालून बसतील, असा टोला सुभाष देसाई यांनी भाजपला लगावला आहे. मी काही त्या पार्टीत नव्हतो. बदनाम करण्याचा प्रयत्न केला जातोय नेहमी, असे प्रत्युत्तर त्यांनी आशिष शेलार यांना दिले. अमित शहा यांनी तीनचाकी सरकार असा टोला (Mumbai) महाविकास आघाडीवर केला होता. त्याचा समाचार घेताना देसाई म्हणाले, की आमचे प्रेम तीनचाकीवरच आहे.