राज्यात उद्धव ठाकरे यांचे सरकार आणि अनिल देशमुख गृहमंत्री असताना 100 कोटींच्या वसुलीचे प्रकरण गाजले होते. त्यानंतर त्यावेळचे गृहमंत्री अनिल देशमुख यांना तब्बल तेरा महिन्यांचा तुरुंगवासही भोगायला लागला होता. यासह तत्कालीन मुख्यमंत्री उद्धव ठाकरे यांच्यावरही अनेक आरोप झाले होते. तसेच भाजपसह अनेकांनी ठाकरेंच्या अटकेची मागणी केली होती.
दरम्यान आता या प्रकरणात ठाकरे सरकार आणि विद्यामान सरकारमधील उपमुख्यमंत्री अजित पवार, माजी मंत्री अदित्य ठाकरे आणि अनिल परब यांच्याबाबत सामाजिक कार्यकर्ते शाम मानव यांनी खळबळजनक खुलासे केले आहे. यानंतर राज्यातील राजकारण पेटण्याची शक्यता आहे.
अंधश्रद्धा निर्मुलन समितीचे संयोजन सदस्य शाम मानव यांनी नागपूर येथे बोलताना या संपूर्ण प्रकरणाबाबत खळबळजनक खुलासे केले आहेत.
ते म्हणाले की, "महाराष्ट्राच्या गृहमंत्र्यांना निरोप जातो की चार एफिडेव्हिट्स पाठतोय त्यावर सह्या करा, तुम्ही ईडीच्या कारवाई आणि तुरुंगात जाण्यापासून वाचाल. गृहमंत्र्यांचे नाव अनिल देशमुख. त्यांना दिलेल्या पहिल्या एफिडेव्हिटमध्ये लिहिले होते की, मला मुख्यमंत्री उद्धव ठाकरे यांनी बोलावून दर महिन्याला शंभर कोटी रुपये गोळा करायचा आदेश दिला."
शाम मानव पुढे म्हणाले, "दुसऱ्या एफिडेव्हिटमध्ये लिहिले होते की, उद्धव ठाकरे यांचा मुलगा अदित्य ठाकरे तेसुद्धा मंत्री होते. त्यांनी दिशा सालियनवर बलात्कार करुन तिचा खून केला. यावर सही करा. तिसऱ्या एफिडेव्हिटवर ठाकरेंच्या जवळचे अनिल परब यांच्यावरील आरोपांवर अनिल देशमुखांकडून सही मागण्यात आली होती."
अनिल देशमुखांना ज्या चार एफिडेव्हिट्सवर सह्या मागितल्या होत्या, त्यातील एक एफिडेव्हिट उपमुख्यमंत्री अजित पवार यांच्याविरोधातीलही होती. शाम मानव म्हणाले, "चौथे एफिडेव्हिट फार चमत्कारीक आहे. त्यामध्ये म्हटले होते की, "अजित दादा पवार यांनी मला (अनिल देशमुख) देवगिरी बंंगल्यावर बोलावले त्यावेळी तिथे त्यांचा मुलगा पार्थही होता. त्यांनी मला आदेश दिला की, सर्व गुटखावाल्यांकडून करोडो रुपये गोळा करा."
"तत्कालीन गृहमंत्री अनिल देशमुख यांनी ठाकरे आणि पवार यांच्यावर खोटे आरोप करण्यास नकार दिल्यानंतर त्यांना पुन्हा निरोप आला की, जर अजित पवार यांच्या एफिडेव्हिटवर सही करण्यास अडचण असेल तर बाकीच्या तीन एफिडेव्हिटवर सही करावी. पण अनिल देशमुख यांनी खोटे आरोप करण्यास नकार देत स्वता 13 महिने तुरुंगवास भोगला," असे शाम मानव म्हणाले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.