Asia Cup 2022 मध्ये पाकिस्तानचा (Pakistan)भारताकडून(India) दारुण पराभव झाला अन् संपूर्ण देशात जल्लोषाचं वातावरण पहायला मिळालं. भारताच्या या दणदणीत विजयावर अभिनेता नकुल मेहतानं पाकिस्तान विरोधात एक मजेदार ट्वीट केलं आहे. टीम इंडियानं रविवारी २८ ऑगस्ट रोजी दुबईच्या इंटरनॅशनल स्टेडियममध्ये आशिया कप २०२२ साठी खेळल्या गेलेल्या सामन्यात पाकिस्तानचा पराभव केला आहे.(Actor Nakul Mehta asks Pakistanis not to break their tv after losing to team india.)

छोट्या पडद्यावरचा प्रसिद्ध अभिनेता नकुल मेहतानं भारताच्या या विजयानंतर पाकिस्तानच्या नागरिकांना ट्वीट करत मजेशीर अंदाजात निरोप दिला आहे. नकुलनं आपल्या ट्वीटमध्ये लिहिलं आहे की, ''प्रिय शेजाऱ्यांनो,कृपया तुमच्या टी.व्हीला फोडू नका. तर त्यावर माझ्या मालिकेचा आनंद घ्या, क्रिकेटमध्ये काय ठेवलंय''. नकुलने पाकिस्तान भारताकडून हरल्यानं त्याची मस्करी करत तिथल्या लोकांना टी.व्ही नं फोडता त्यावर आपली मालिका पाहण्याचा आग्रह धरला आहे.

नकुलच्या या ट्वीटवर आता पाकिस्तानी लोकांनी प्रतिक्रिया द्यायला सुरुवात केली आहे. एकानं लिहिलं आहे की,'काही काही होत नाही, आम्ही तंसही कॉमेडी शो आणि उत्तम संगीताचे दर्दी आहोत. शुभेच्छा'. तर आणखी एकानं पाकिस्तानच्या अर्थव्यवस्थेची खिल्ली उडवत लिहिलं आहे की,'अर्ध्याहून अधिक देशासोबत अर्थव्यवस्थाही पाण्यात बुडून गेली आहे. नवा टी.व्ही सेट घेणं आम्हाला आता परवडणार नाही,आता मीम्स वरच आम्ही आनंद मानू'. तर एका नेटकऱ्यानं नकुलच्या 'बडे अच्छे लगते है २' मालिकेची खिल्ली उडवत लिहिलं आहे,'अल्लाह जवळ प्रार्थना करतो मिस्टर कपूर आणि प्रियामधलं भांडण कधीच मिटू नये'. तर दुसऱ्या एकानं लिहिलं आहे की,'आमच्या टी.व्ही वर तुमचा शो लागत नाही'.

नकुल मेहतानं २०१२ मध्ये स्टार प्लस वरील 'प्यार का दर्द है,मीठा मीठा,प्यारा प्यारा' या मालिकेतून छोट्या पडद्यावर काम करायला सुरुवात केली होती. त्यानंतर 'इश्कबाज' आणि 'दिल बोले ओबेरॉय' सारख्या शो मध्ये देखील तो दिसला होता. नकुल सध्या 'बडे अच्छे लगते है २' मध्ये राम कपूरच्या भूमिकेत दिसत आहे. या मालिकेतील त्याच्या भूमिकेच कौतूक करत त्याला पुरस्कारानं देखील गौरविण्यात आलं आहे.