मुंबई : 1 जुलै हा सर्वत्र डॉक्टर्स डे म्हणून साजरा केला जातो. याच निमित्ताने आज अनेक कलाकारांनी डॉक्टरांना थँक यू म्हणण्यासाठी व्हिडिओ आणि फोटो पोस्ट केले. पण या सगळ्यात जेनेलियाचा व्हिडिओचे खूप कौतुक होत आहे.
बुधवारी राष्ट्रीय डॉक्टर दिनी जेनेलिया आणि रितेश देशमुख यांनी त्यांच्या व्हिडिओतून आपण अवयवदान करत असल्याचे त्यांनी जाहीर केले आणि लोकांना अवयवदान करण्याचे आवाहनही केले. जेनेलियाने तिच्या इंस्टाग्राम अकाऊंटवरून तिचा आणि रितेशचा हा व्हिडिओ पोस्ट केला.
व्हिडिओमध्ये या दोघांनी सांगितले की, दोघांनीही आयुष्यातील सर्वात मोठी देणगी देण्याचा निर्णय घेतला आहे. जेनेलियाने व्हिडीओला कॅप्शन देत म्हटले आहे की, "रितेश आणि मी बऱ्याच काळापासून एक विचार करत होतो. परंतु दुर्दैवाने आत्तापर्यंत ते करणे शक्य झाले नाही. आज डॉक्टर दिनाच्या दिवशी आम्ही आमच्या अवयवांचे दान करण्याचा संकल्प करत आहोत.
आम्हाला प्रेरणा देण्याकरिता आम्ही डॉ. नोझर शेअरी आणि एफओजीएसआयचे आभार मानू इच्छितो. तुम्ही एखाद्याला जी सर्वात मोठी भेट देऊ शकता ती म्हणजे 'जीवनाची देणगी'. आम्ही आपणा सर्वांना विनंती करतो की यात सहभागी व्हा आणि जीव वाचवण्याचे वचन द्या आणि तुमच्या अवयवांचे दान करण्याची प्रतिज्ञा करा."
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.