मुंबई : कोरोनाच्या रुग्णांची संख्या दिवसेंदिवस वाढत चालल्याने रुग्णालयांमध्ये खाटांची कमतरता भासत आहे. त्यामुळे परिस्थिती अधिकच बिकट होण्याची चिन्हे दिसत आहेत. महाराष्ट्रापाठोपाठ दिल्लीतही परिस्थिती चिंकाजनक होत चाललेली आहे. स्टार प्लस या वाहिनीवरील 'दिया और भाती हम' मालिकेत काम करणाऱ्या अभिनेत्री दीपिका सिंहने आपल्या आईवरील उपचारासाठी थेट दिल्लीच्या मुख्यमंत्र्यांना एका व्हिडीओद्वारे साकडे घातले आहे.
दीपिका सिंह सध्या मुंबईत आहे आणि तिचे आई-वडील तसेच अन्य कुटुंबीय दिल्लीत राहते. तिच्या आईला साधा ताप आला होता. त्यामुळे तिची कोरोना टेस्ट करण्यात आली आणि ती टेस्ट पॉझिटिव्ह निघाली. त्यानंतर ज्या रुग्णालयात ही टेस्ट झाली त्या रुग्णालयाने तसेच अन्य काही रुग्णालयांनी तिच्या आईला उपचारासाठी दाखल करून घेण्यास नकार दिला. त्यामुळे अस्वस्थ झालेल्या दीपिकाने दिल्लीचे मुख्यमंत्री अरविंद केजरीवाल यांच्याकडे मदत मागितली आहे. तिने आपला हा व्हिडीओ सोशल मीडीयावर टाकला आहे.
त्यात तिने म्हटले आहे, की ''मुख्यमंत्री सर, माझ्या आईला काही दिवसांपूर्वी ताप आला होता. त्यामुळे आम्ही तिची कोरोना टेस्ट करून घेतली. तिचा रिपोर्ट पॉझिटिव्ह आला. त्यानंतर आम्ही तिला रुग्णालयात दाखल करण्यास गेलो असता कोणत्याही रुग्णालयाने दाखल करून घेण्यास नकार दिला आहे. आता माझ्या आईवर घरीच उपचार सुरू आहेत. मी मुंबईत असल्याने घरी जाऊ शकत नाही. माझे आई वडील पहाडगंज इथं एकत्र कुटुंबात राहतात.''
''आमच्या कुटुंबात एकूण 45 जण राहात आहेत आणि त्यांनाही कोरोनाची लागण होण्याची दाट शक्यता आहे. आता माझ्या आजी आणि वडिलांमध्येहीदेखील कोरोनाची लक्षणे दिसून येत आहेत. मुख्यमंत्री अरविंद केजरीवाल आणि दिल्ली सरकार कृपया माझी मदत करा''. दीपिकाचा हा व्हिडीओ आता सगळीकडे व्हायरल झाला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.