'होणार सून मी या घरची' आणि 'अग्गं बाई सासूबाई' या मालिकेमधून घराघरात पोहोचलेली अभिनेत्री तेजश्री प्रधान सध्या लोकप्रियतेच्या शिखरावर आहे. अत्यंत थोड्या कालावधीतच तेजश्रीला लोकांचे भरभरून प्रेम मिळाले.

तेजश्रीने आजवर अनेक चित्रपटात काम केले आहे. 'बबलू बॅचलर' या हिंदी चित्रपटामध्ये देखील तेजश्रीने काम केले. तेजश्रीने नुकतीच सोशल मीडियावर एक खास पोस्ट शेअर केली आहे. ज्यामध्ये तिने मुंडवळ्या बांधून नवरीच्या वेशातील फोटो शेयर केला आहे.

तिच्या या फोटोमुळे आता चर्चेला चांगलेच उधाण आले आहे. तेव्हा जाणून घेऊया नेमकं काय आहे हे प्रकरण..

तेजश्री गेली 15 वर्षांहून अधिक काळ मनोरंजन विश्वात कार्यरत आहे. आजवर तिने अनेक दिग्गज कलाकारांबरोबर काम केले आहे. तेजश्री लवकरच तिच्या नव्या प्रोजेक्टची घोषणा करणार आहे. मात्र त्याआधी तिनं एक पोस्ट शेअर करत सर्वांना मोठा धक्काच दिला आहे.

या पोस्ट मधील तिचा फोटो पाहून वाटेल की तिचं लग्न झालं की काय पण तसं नाहीय. हा फोटो 12 वर्षांपूर्वीचा आहे. ज्येष्ठ अभिनेते मोहन आगाशे यांच्या सोबतचा हा फोटो असून तिने जुन्या आठवणींना उजाळा दिला आहे.

तेजश्रीनं डॉ. प्रकाश बाबा आमटे या सिनेमात डॉ. मंदाकिनी आमटे यांची भूमिका केली होती. तिनं तरूण वयातील मंदाकिनी आमटे साकारली होत्या. याच सिनेमात ज्येष्ठ अभिनेते डॉ. मोहन आगाशे यांनी डॉ. बाबा आमटे यांची भूमिका साकारली होती. तेव्हाचा हा फोटो आहे.

आज अनेक वर्षांनी ते सिनेमाच्या अनेक वर्षांनी तेजश्री आणि डॉ. मोहन आगाशे पुन्हा एकत्र आले आहेत. लवकरच ते एका नव्या प्रोजेक्ट मध्ये दिसणार आहेत. बारा वर्षापूर्वीचा आणि आताचा असे दोन्ही फोटो शेयर करत तेजश्रीनं लिहिलंय, '12 वर्षांपूर्वीचा फोटो आणि 12 वर्षांनंतर त्याचं रिक्रेअशन. इतक्या वर्षांनी पुन्हा योग आला. पण तितकंच भारी फिलिंग आहे मोहन काका. आयुष्याच्या प्रवासात अनेक माणसं भेटतात त्यातील काहीच शेवटपर्यंत राहतात. माझ्या पाठिशी कायम असल्याबद्दल तुमचे खूप आभार मोहन काका.' अशी ही पोस्ट आहे.