Adipurush box office collection Day 3: गेल्या अनेक दिवसांपासून प्रभास आणि क्रिती सॅनन स्टारर चित्रपट 'आदिपुरुष' चे चाहते खूप दिवसांपासून वाट पाहत होते. ओम राऊत दिग्दर्शित हा चित्रपट 16 जून रोजी थिएटरमध्ये प्रदर्शित तर झाला मात्र याचित्रपटामुळे अनेकांच्या अपेक्षा भंग झाल्या. प्रतिक्षा करणाऱ्या चाहत्यांचा एक वर्ग या चित्रपटावर प्रचंड नाराज झाला.

सगळीकडून चित्रपटावर टिका केली जात आहे. चित्रपटातील कलाकारांचे लूक असो किंवा त्यांचे डायलॉग प्रेक्षक या चित्रपटावर प्रेक्षक प्रंचड भडकले आहेत. त्यातच निर्मात्यांनी आता नमतं घेतल आणि चित्रपटातील डायलॉग बदलण्यात येईल असं देखील सांगितलं आहे.

वादविवाद राहिला एका बाजूला मात्र प्रभासच्या चाहत्यांना हा चित्रपट कमालिचा आवडला. या वादाचा आणि विरोधाचा चित्रपटाच्या बॉक्स ऑफिसवर फारसा परिणाम झालेला दिसत नाही.

मात्र, असे असतानाही या चित्रपटाने चांगलीच कमाई केली आहे. चित्रपटातील संवादांमध्येही अपशब्द वापरण्यात आल्याचे लोकांचे म्हणणे आहे. या सगळ्यात आता चित्रपटाची दुसऱ्या दिवसाची कमाई समोर आली आहे.

या चित्रपटाने पहिल्या दिवशी बंपर कमाई केली. जगभरात 150 कोटींचे कलेक्शन केले तर भारतात पहिल्या दिवशी चित्रपटाचे कलेक्शन 86 कोटी होते. 'आदिपुरुष'ने रिलीजच्या दुसऱ्या दिवशी 65 कोटींचा गल्ला जमवला आहे.

आता रविवारी म्हणजेच रिलिजच्या तिसऱ्या दिवशी चित्रपटाने किती कोटींची कमाई केली याचे आकडे समोर आले आहेत. चित्रपटाने शनिवारच्या तुलनेत रविवारी 2.68 टक्के अधिक कमाई केली आहे.

Sacnilk च्या रिपोर्टनुसार, तिसऱ्या दिवशी ‘आदिपुरुष’ चित्रपटाच्या कलेक्शनमध्ये कमालिची वाढ झाली असून चित्रपटाने 67 कोटींची कमाई केली आहे. या सुरुवातीच्या आकडेवारीवर विश्वास ठेवला तर, या चित्रपटाने भारतीय बॉक्स ऑफिसवर तीन दिवसांत 219 कोटी रुपयांची कमाई केली आहे.

आदिपुरुषने वादात असतांनाही अनेक मोठमोठ्या चित्रपटाचे रेकॉर्ड मोडित काढले आहेत . शाहरुख खानचा चित्रपट 'पठाण' हा 2023 मधील सर्वाधिक कमाई करणारा चित्रपट ठरला होता मात्र, 'आदिपुरुष'ने येताच पठाणला मागे टाकले.

एकीकडे 'पठाण'ने पहिल्या तीन दिवसांत 166.75 कोटींची कमाई केली आहे. दुसरीकडे, 'आदिपुरुष'ने पहिल्या तीन दिवसांत २०० कोटींचा टप्पा ओलांडला आहे.