भारतातील सर्वात प्रभावी दिग्दर्शक म्हणून आता एस एस राजामौलींच्या नावाचा उल्लेख केला जातो आहे. त्यांनी केवळ भारतातच नव्हे तर परदेशातही भारताच नाव मोठं केलं आहे. त्याच्या मख्खी, बाहुबली आणि आता आरआरआर सारख्या चित्रपटांना प्रेक्षकांचा भरभरुन प्रतिसाद मिळाला. (SS Rajamouli on Hollywood Debut)

आरआरआरने रेकॉर्डब्रेक कमाई तर केलीच आणि आता हा चित्रपट ऑस्कर मध्येही गाजतोय. या चित्रपटाला गोल्डन ग्लोब अवॉर्ड आणि क्रिटिक्स चॉइस अवॉर्डही मिळाला. त्यामुळे राजामौली हे किती कर्तृत्ववान दिग्दर्शक आहे काही वेगळं सांगायची गरज नाही. RRR च्या प्रचंड यशानंतर एसएस राजामौली यांना आता हॉलिवूडमध्ये काम करायचे आहे.

दक्षिणेचे दिग्दर्शक एसएस राजामौली आणि त्यांचा चित्रपट RRR सध्या जगभरात चर्चेचा विषय बनला आहे. गोल्डन ग्लोब अवॉर्ड आणि क्रिटिक्स चॉइस अवॉर्ड जिंकल्यानंतर त्याला आता हॉलिवूड चित्रपटांमध्ये हात आजमावायचा आहे. राजामौली यांनी गेल्या आठवड्यात क्रिटिक चॉईस अवॉर्ड जिंकल्यानंतर दिग्गज दिग्दर्शक स्टीव्हन स्पीलबर्ग आणि जेम्स कॅमेरॉन यांचीही भेट घेतली आणि दोघांनीही आरआरआरचं तोंड भरुन कौतुक केले.

आरआरआर चित्रपटातील अभिनेत ज्युनियर NTR आणि राम चरण यांना हॉलिवूड चित्रपटांमध्ये काम करण्याबद्दल विचारण्यात आले. आता या विषयावर दिग्दर्शक एसएस राजामौली यांनीही चर्चा केली. एका अमेरिकन पॉडकास्टशी बोलताना राजामौली म्हणाले, "हॉलीवूडमध्ये चित्रपट बनवणे हे जगभरातील प्रत्येक चित्रपट दिग्दर्शकाचे स्वप्न असते. मी यापेक्षा वेगळा नाही. मी प्रयोग करण्यास तयार आहे." अशी प्रतिक्रिया दिली.

हेही वाचा दुधदुभते मुबलक हवे....मग हे नक्कीच वाचा

राजामौली पुढे म्हणाले की, सध्या ते हॉलीवूड चित्रपटांमध्ये काम करण्याबाबत ते थोडे गोंधळलात आहे. ते म्हणाले की, "आता पुढे काय करायचे या विचाराने मी थोडा गोंधळात पडलो आहे. मात्र, या बद्दल बोलतांना पुढे ते म्हणाले की, 'भारताबद्दल बोलायचं झालं तर मी तिथला हुकूमशहा आहे. चित्रपट कसा बनवायचा हे तिथलं कोणीही मला सांगू शकत नाही. कदाचित मी माझा पहिला प्रोजेक्ट (हॉलिवूड) एखाद्यासोबत करेन."