Alia Bhatt: बॉलीवूड अभिनेत्री आलिया भट्टने एका क्युट मुलीला जन्म दिला आहे. अभिनेत्रीनं आपल्या अधिकृत इन्स्टाग्राम अकाऊंटवर ही गूड न्यूज चाहत्यांसोबत शेअर केली अन् सगळीकडे एकच जल्लोष सुरू झाला. आलिया भट्टच्या डिलीव्हरीनंतर आता चाहत्यांना अभिनेत्रीच्या मुलीचा फोटो पहायचा आहे. यादरम्यान आता आलिया भट्टच्या लहानपणीचे काही फोटो आणि व्हिडीओ सोशल मीडियावर व्हायरल झाले आहेत. (Alia Bhatt delivery childhood Video Viral on Social Media)

आलिया भट्टच्या लहानपणीचे फोटो आणि व्हिडीओ पाहून चाहते आता तिची मुलगी कशी दिसत असेल याचा अंदाज लावताना दिसत आहेत. आलिया आणि रणबीरला लहान मुलं खूप आवडतात याविषयी त्यांच्या बोलण्यातून अनेकदा समोर आले आहे, रणबीर कपूरने तर मुलाखतीत हे देखील म्हटलं होतं की,''माझे गुडघे जोपर्यंत शाबूत आहेत, तोपर्यंत मला माझ्या मुलासोबत फुटबॉल खेळायचे आहे''.

तर आलिया भट्टनं एका टी.व्ही शो दरम्यान आपल्या मुलीचे नाव जाहीर केले होते. आलिया भट्टच्या डिलीव्हरीनंतर आता तिच्या लहानपणीचा व्हिडीओ सोशल मीडियावर व्हायरल होताना दिसत आहे. ज्यामध्ये छोटी आलिया आपल्या वडीलांच्या पोटावर बसून मस्ती करताना दिसत आहे. लहान आलियासोबत खेळताना महेश भट्ट कोणाशीतरी फोनवर बोलताना दिसत आहेत.

महेश भट्ट छोट्या आलियासोबत खेळताना तिला वाढदिवसाच्या शुभेच्छा देताना दिसत आहेत. व्हिडीओ खूप जुना आहे पण आलिया भट्टच्या डिलीव्हरीनंतर चाहते याला सोशल मीडियावर शेअर करत लिहिताना दिसत आहेत की,'आलिया भट्टची मुलगी तिच्यासारखीच क्यूट असणार आहे'. आता पहायचं की आलिया भट्ट आपल्या मुलीचे फोटो शेअर करते की नाही.