Alia Bhatt Discharged: आई वडिल होणं हे आयुष्यातील वेगळंच सुख आहे, तो एक वेगळाच आनंद आहे आणि अनुभव आहे. आता हाच अनुभव आलिया भट्ट आणि रणबीर कपूर जगत आहे.

आलिया भट्टने मुलीला जन्म दिल्यापासून ती चर्चेत आहे. कपूर आणि भट्ट कुटुंबातही जल्लोषाचे वातावरण पाहायला मिळत आहे. आलिया आणि रणबीरच्या मुलीची पहिली झलक पाहण्यासाठी त्यांचे चाहतेही आतुर आहेत. आलियाला रुग्णालयातून डिस्चार्ज देण्यात आला.

इंस्टाग्रामवर सर एचएन रिलायन्स हॉस्पिटलचा एक व्हिडिओ व्हायरल होत आहे. या व्हिडिओमध्ये रणबीर आणि आलिया आपल्या बाळाला घरी घेऊन जात आहे.

रविवारी आलियाने बाळाला जन्म दिला. चार दिवसांनंतर तिला रुग्णालयातून डिस्चार्ज देण्यात आला. रणबीर आणि आलिया भट्ट आपल्या कपूर हाऊसमध्ये पोहोचले आहेत. तेआपल्या मुलीला कारमध्ये घेऊन येतानाचे फोटो आणि व्हिडिओ सोशल मीडियावर व्हायरल होत आहेत. पप्पा रणबीरने आपल्या लहान बाळाला हातात धरलेले दिसत आहे, जी पूर्णपणे कपड्यांनी झाकलेली आहे.आणि आलियाच्या चेहऱ्यावर आई झाल्यानंतरची एक वेगळीच झलक पहायला मिळत आहे.

जेव्हा रणबीरने आपल्या मुलीला जन्मानंतर पहिल्यांदा आपल्या मिठीत घेतले तेव्हा तो भावूक झाला होता. आलिया आणि मुलीच्या स्वागतासाठी कपूर कुटुंबीयांनी घरी विशेष तयारी केली आहे.

आलिया भट्टला रविवारी सकाळी हॉस्पिटलमध्ये दाखल करण्यात आले आणि त्याच दिवशी तिने एका मुलीला जन्म दिला. मुलीच्या जन्माची आनंदाची बातमी चाहत्यांसह शेअर करताना, आलियाने लिहिले, 'आमच्या आयुष्यातील सर्वात चांगली बातमी - आमचं बाळ जन्माला आलं आहे... आणि ती एक जादुई मुलगी आहे', या पोस्टसह आलियाने एक स्केच शेअर केला आहे. सिंहाचं कुटुंब. ज्यामध्ये सिंह त्याची पत्नी अर्थात सिंहिण आणि त्यांच्या मुलासह दिसत होता.

दीर्घकाळ डेटिंग केल्यानंतर, आलिया भट्ट आणि रणबीर कपूर यांनी अखेर या वर्षी एप्रिलमध्ये त्यांच्या घरी फक्त त्यांचे कुटुंब आणि जवळच्या मित्रांच्या उपस्थितीत लग्नगाठ बांधली होती. आणि जुन मध्ये ती प्रेग्नंट असल्याची बातमी त्यांनी चाहत्यांसोबत शेअर केली होती आणि आता त्यांना कन्यारत्न प्राप्त झाले आहे. आलिया आणि रणबीर साठी हा आनंद वेगळाच असणार हे वेगळं सांगायला नकोच.