Athiya Wedding Dress : भारतीय क्रिकेट संघाचा क्रिकेटपटू केएल राहुल आणि अभिनेत्री अथिया शेट्टी लवकरच लग्नबंधनात अडकणार आहेत. बऱ्याच कालावधीपासून त्यांच्या लग्नांच्या चर्चांना उधाण आले होते. मात्र या चर्चांवर त्या दोघांनी मौन बाळगलं होतं. अखेर आता त्यांच्या लग्नाची तारीख समोर आली आहे.

पिंकविलाच्या रिपोर्ट्सनुसार, दोघेही 21 जानेवारीला साऊथ इंडियन स्टाईलमध्ये लग्न करतील. पिंकविलाला क्रिकेटरच्या एका जवळच्या मित्राने सांगितलं की, या जोडप्याच्या लग्नाचे आमंत्रण डिसेंबरच्या शेवटच्या दिवसांत दिले जाईल. 21 ते 23 डिसेंबर दरम्यान त्यांचे लग्न होणार आहे. फार कमी वेळ शिल्लक असल्याने तयारी सुरू झाली आहे. आता लग्न म्हटल्यावर महागडा ड्रेस आलाच. तर बॉलिवूडचा नामांकित डिझायनर अथियाचा वेडिंग ड्रेस डिझाइन करणार असल्याचं बोललं जातंय.

उर्मिला मातोंडकर : बॉलिवूडची रंगीला गर्ल उर्मिलानेही तिच्या लग्नात मनीष मल्होत्राचा डिझाईन केलेला लेहेंगा परिधान केला होता. असं म्हटलं जातं की लाल रंगाच्या या साडी लेहेंग्याची किंमत सुमारे 4.50 लाख रुपये होती. याशिवाय तिने तिच्या रिसेप्शनसाठी मनीषने डिझाइन केलेला रिसेप्शन आउटफिटही घातला होता.

प्रीती झिंटा : बॉलीवूडची डिंपल गर्ल प्रीती झिंटाने मुंबईतील रिसेप्शन पार्टीत मनीष मल्होत्राने डिझाइन केलेला लाल गाऊन परिधान केला होता. यावेळी प्रीतीने तिचे केस मोकळे ठेवले होते आणि मिनीमल मेकअप केला होता.

जेनेलिया डिसूजा : बॉलिवूडची क्युट हिरोईन जेनेलियाने तिच्या संगीतामध्ये मनीषचा डिझाईन केलेला ड्रेस परिधान केला होता. जेनेलिया पांढऱ्या लेहेंग्यात एकदम सौंदर्याच्या देवतेप्रमाणे दिसत होती.

गौहर खान : एक्ट्रेस गौहरने जैद दरबार सोबत 2020 लग्न केलं. या कपलने त्यांच्या लग्नात मनीष मल्होत्रान डिजाइन केलेले आउटफिट परिधान केले होते. गौहरच्या लेहेंग्यात वेलवेटच फॅब्रिक वापरलं होतं, तिच्या हातात गोल्डन हँडबॅग होती.