बिग बॉस ४ च्या पर्वाचा आज शेवटचा दिवस आहे. सगळ्याचं सध्यांकाळची उत्सूकता लागलेली आहे. कारण ज्या क्षणाची आपण सर्वजण वाट पाहत आहोत तो क्षण आता अगदीच जवळ आला आहे. गेली 99 दिवस आपण बिग बॉस मराठीचा खेळ पाहत आहोत.

अवघ्या काही तासातच या खेळाचा विजेता आपल्या समोर येणार आहे. त्या क्षणाची उत्सुकता आता चांगलीच वाढली आहे. अत्यंत दिमाखदार सोहळ्यात ही ट्रॉफी विजेत्याला दिली जाणार आहे.

बिग बॉसच्या चौथ्या सिझनचा विजेता कोण असणार याबद्द्ल तर्क वितर्क लावले जात असतांनाच खुद्द शोचे होस्ट महेश मांजरेकर यांनी आता विनर कोण असणार याबद्दल मोठी हिंट दिली आहे.

आता घरात आहेत टॉप ५.अमृता धोंगडे,किरण माने,अक्षय केळकर,अपूर्वा नेमळेकर आणि राखी सावंत. शोच्या फिनालेचा प्रोमो समोर आला आहे. यात स्पर्धक आपल्या नृत्यांने सोहळ्यात रंगत आणतांना दिसताय.

त्यात महेश मांजरेकर म्हणताय की मित्रानो १०० दिवसांची चटरफटर आज संपणार आहे आणि अवघ्या काही तासातच या सिझनचा विनर आपल्याला मिळणार आहे. या सिझनचा विनर मिळणार असं म्हणताच अपुर्वा नेमळेकर आपल्याला समोर दिसतेय. त्यामुळे आता या सिझनची विनर अपूर्वा नेमळेकर असेल असा अंदाज चाहते लावतं आहेत.

बिग बॉसच्या घरात तिकीट टू फिनाले मिळवून अपूर्वा थेट टॉप फाइव्ह मध्ये गेली. या खेळासाठी तिने प्रचंड मेहनत घेतली. तसेच तिची चाहता वर्गही मोठा आहे त्यामुळे तिच्या जिंकण्याची शक्यता वाढली आहे.