मुंबई : सध्या चित्रपटसृष्टीत बायोपिकची मोठी क्रेझ आली आहे. अनेक व्यक्तींवर चरित्रपट बघायला मिळत आहे. विशेषतः क्रीडा आणि राजकारणातील व्यक्तींवर मोठ्या प्रमाणात चित्रपट येत असल्याचे आपल्याला दिसून आले. त्यांना प्रेक्षकांचा चांगला प्रतिसादही मिळतो. त्यातूनच आता देशातील आणखी एका राजकारणी व्यक्तीवर बायोपिक येत आहे.

व्हिडिओ: दिल्ली-मुंबई प्रवास अवघ्या १३ तासात, गडकरींनी शेअर केली ब्लू-प्रिंट

उत्तर प्रदेशचे माजी मुख्यमंत्री मुलायम सिंह यादव यांच्या जीवनावर चित्रपट येत आहे. त्याचे नाव आहे 'मै मुलायम सिंह यादव'. नुकताच या चित्रपटाचा ट्रेलर लाँच झाला. ट्रेलरमध्ये मुलायम सिंह यांच्या राजकीय नाट्याची झलक पाहायला मिळते. या चित्रपटाचे दिग्दर्शन सुप्रसिद्ध बंगाली दिग्दर्शक सुवेंदू राज घोष करीत आहे तर अमित सेठी हा कलाकार मुलायम सिंह यांची भूमिका साकारीत आहे. 

स्टोरी एकदम सिनेमात शोभेल अशी : 'तो' २३ वर्षांपूर्वीच पोलिसांच्या हातावर तुरी देऊन पळाला होता, पण शेवटी..

एक शेतकरी मुलगा, एक कुस्तीपटू ते नावाजलेले राजकारणी असा एकूणच मुलायम सिंह यांचा प्रवास या चित्रपटात मांडण्यात आला आहे. मुख्यमंत्री असताना त्यांच्या जीवनातील अनेक नाट्यमय घडामोडी पाहायला मिळणार आहेत. 

धारावीचं कौतुक आहेच, परंतु दादरमधील अनियंत्रित रुग्णवाढ जास्त चिंताजनक

या चित्रपटात मिमोह चक्रवर्ती, गोविंद नामदेव, मुकेश तिवारी, सुप्रिया कर्णिक, सयाजी शिंदे, सना अमीन शेख,  जरीना वहाब आणि प्रकाश बेलावाडी यांच्याही महत्त्वपूर्ण प्रमुख भूमिका आहेत. एम एस फिल्म्स अँड प्रोडक्शन्सच्या बॅनरखाली मीना सेठी मोंडल निर्मित हा चित्रपट यावर्षी प्रदर्शित होत आहे. 
---
संपादन ः ऋषिराज तायडे