बॉलिवूडमधील मराठमोळं जोडपं अशी ओळख असलेल्या रितेश देशमुख आणि जेनेलिया देशमुख यांचा पहिला चित्रपट आठवतोय तुम्ही कसे काय विसराल.

- ताज्या बातम्यांसाठी डाऊनलोड करा ई-सकाळचे ऍप

या जोडीचा पहिला चित्रपट ठरलेल्या 'तुझे मेरी कसम'ला शुक्रवारी (ता.3) 17 वर्षे पूर्ण झाली. आणि तेव्हापासूनच त्यांच्या लव्हस्टोरीलाही सुरवात झाली होती. एकमेकांना 10 वर्षे डेट केल्यानंतर 3 फेब्रुवारी 2012 मध्ये ते विवाहबंधनात अडकले. 

'तुझे मेरी कसम'ला 17 वर्षे पूर्ण झाल्यानिमित्त रितेश आणि जेनेलिया यांनी आपल्या ट्विटर आणि इन्स्टाग्राम अकाउंटवरून एक व्हिडिओ अपलोड केला आहे. या व्हिडिओद्वारे त्यांनी जुन्या आठवणींना उजाळा दिला आहे. 

- सत्तेची रस्सीखेच आणि नात्यांचा जिव्हाळा म्हणजेच 'धुरळा'!

लातूरमधील आपल्या बाभूळगावात असलेल्या एका शेतात रितेश-जेनेलियाने एक व्हिडिओ शूट केला आहे. 'तुझे मेरी कसम' गाण्यावर ठेका धरत ते पुन्हा एकदा प्रेमात बुडालेले पाहायला मिळाले. या रोमँटिक व्हिडिओवर नेटकऱ्यांनी उड्या घेतल्या असून या जोडीला शुभेच्छाही दिल्या आहेत. 

- एन्गेजमेंटच्या फोटोवर नताशाच्या एक्स-बॉयफ्रेंडने केली कमेंट!

'तुझे मेरी कसम' हा रितेश-जेनेलियाचा बॉलिवूड डेब्यू ठरला. पहिलाच चित्रपट सुपरहिट ठरल्याने मराठमोळ्या रितेशचा पुढील बॉलिवूड प्रवास तितकाच जोमात सुरू राहिला आहे. मात्र, लग्नानंतर जेनेलिया मोजक्याच चित्रपटात दिसली. 

- सतरा वर्षांपूर्वीच रितेश जेनेलियाला म्हणाला होता, 'तुझे मेरी कसम'!

'तुझे मेरी कसम'मध्ये रितेश आणि जेनेलियाने ऋषी आणि अंजू नावाच्या कॉलेज गोइंग स्टुडंटच्या भूमिका साकारल्या होत्या. या चित्रपटाचं दिग्दर्शन के. विजयभास्कर यांनी केलं असून निर्मिती रामोजी राव यांची आहे. विजू शाह यांनी संगीतबद्ध केलेलं या चित्रपटाचं टायटल ट्रॅक आजही अनेकांच्या मोबाईलची रिंगटोन बनून राहिलं आहे.