मलायका अरोरा अर्जून कपूर हे दोघे एकमेकांच्या प्रेमात आकंड बुडालेले दिसत आहेत. व्हॅलेंटाईन डे (Valentine's Day) जवळ आल्याने अर्जूनलाही (Arjun Kapoor) मलायकासाठी (Malaika Arora) काय करू असं झालं आहे. म्हणूनच की काय त्याची काळजी लक्षात घेऊन मलायकाने अर्जूनला स्पेशल व्हॅलेंटाईन वीकदरम्यान भन्नाट गिफ्ट (Gift) दिलं आहे. हे गिफ्ट म्हणजे मलायकाला ज्यापासून जास्त आनंद मिळतो कींवा ज्यामुळे ती इतकी फिट आहे. तेच गिफ्ट तिने अर्जूनला दिलं आहे. हे गिफ्ट म्हणजे ' फिटनेस जपण्याचा मंत्र' आहे. याविषयी अर्जूननचे इंस्टाग्रामवरून माहिती दिली आहे.

जीममध्ये अर्जून जातोच. पण आता त्याने योगाचे धडे घ्यायचं मनावर घेतलं आहे. अय्यंगार योगा करण्याचा नवा प्रवास आपण सुरू केला असून त्या प्रवासाचे क्रेडीट त्याने गर्लफ्रेंड मलायकाला दिले आहे. योगा करतानाचा फोटो त्याने इंस्टाग्रामवर शेअऱ केला आहे. अर्जूनने शेअर केलेल्या पोस्टमध्ये तो करत असलेली आसने ही बॉडी पोश्चर सुधारणे, कंबरदुखी या समस्या सोडविण्यासाठी करत असल्याचे म्हटले आहे.

हा त्रास कमी करण्यासाठी त्याने उष्ट्रासन, राजकपोतासन, वन लेग फॉरवर्ड बेंड अशी तीन आसने केली आहेत. त्यामुळे आता मलायकाच्या सल्ल्यामुळे योगसाधनेत अर्जून तिच्याप्रमाणेच प्रगती करणार असल्याचे दिसते आहे. एकूणच काय शेवटी मलायकाच्या सानिध्यात राहिल्याने फिटनेसचा असर अर्जूनवरही झाला आहे, असं म्हणावं लागेल.