मुंबई : जान्हवी कपूरचा आगामी चित्रपट 'गुंजन सक्सेना - द कारगिल गर्ल' या चित्रपटाचा प्रीमियर 12 ऑगस्ट रोजी नेटफ्लिक्सवर होणार आहे. जानव्ही कपूरने सोशल मीडियावर रिलीजच्या तारखेसह या चित्रपटातील अन्य कलाकार अंगद बेदी आणि पंकज त्रिपाठी यांचा फर्स्ट लुक शेअर केला आहे.
हे फोटो शेअर करत तिने लिहिले की, “भारताच्या पहिल्या महिला हवाई दलाच्या अधिकाऱ्याची कहाणी तुमच्यासमोर आणण्याचा अभिमान वाटतो. मला आशा आहे की ही कहाणी माझ्याप्रमाणेच तुम्हालाही एक प्रेरणा देईल. गुंजन सक्सेना - कारगिल गर्ल 12 ऑगस्टला नेटफ्लिक्सवरून आपल्या भेटीला येत आहे!”
पहिल्या फोटोत जान्हवी सैन्याच्या गणवेशात अभिमानाने उभी असल्याचे दिसते, दुसऱ्या फोटोत तिचे ऑनस्क्रीन वडील पंकज यांना मिठी मारताना दिसते आणि तिसऱ्या फोटोत अंगद बेदी हा सैन्याच्या गणवेशात दिसतो. शरण शर्मा यांनी या चित्रपटाचे दिग्दर्शन केले आहे. या चित्रपटात विनीत कुमार, मानव विज आणि आयशा रझा यांच्याही मुख्य भूमिका आहेत.
या चित्रपटाबाबत बोलताना शरण शर्मा म्हणाले, “ही कथा देशभक्तीची कथा आहे त्यामुळे चित्रपटाशी संबंधित प्रत्येकाला असे वाटते की 15 ऑगस्ट ही चित्रपटाच्या प्रदर्शनासाठी सर्वोत्कृष्ट तारीख आहे.
----
संपादन : ऋषिराज तायडे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.