मुंबई - एस एस राजामौली (ss rajamauli) यांनी बाहूबली (bahubali) बनवला आणि त्याचं जगभर कौतूक झालं होतं. त्या चित्रपटानं आतापर्यत सर्वाधिक कमाई करुन बॉक्स ऑफिसवर (box office) इतिहास रचला होता. गेल्या दोन वर्षांपासून त्यांच्या आरआरआर या चित्रपटाची प्रेक्षक आतुरतेनं वाट पाहत आहेत. काही दिवसांपूर्वीच या चित्रपटाचा ट्रेलर (trailer) प्रदर्शित झाला होता. त्याला अल्पावधीतच मोठ्या प्रमाणावर प्रेक्षकांचा प्रतिसाद मिळाल्याचे दिसून आले आहे. नव्या वर्षात हा चित्रपट प्रेक्षकांच्या भेटीला येणार आहे. प्रेक्षक गेल्या दोन वर्षांपासून या चित्रपटाची वाट पाहत आहे.

सध्या आरआरआरच्या (rrr movie) प्रमोशनचे काम वेगानं सुरु आहे. त्यानिमित्तानं या चित्रपटाशी संबंधित वेगवेगळ्या गोष्टी समोर आल्या आहेत. अजय देवगण, ज्युनियर नटराजन, आलिया यांच्या प्रमुख भूमिका आहेत. आरआरचे ज्यावेळी चित्रिकरण सुरु होते त्याच्या खर्चाचे आकडे आता समोर आले आहेत. ते ऐकून हा चित्रपट किती भव्य पातळीवर तयार करण्यात आला आहे हे कळून येईल. त्यासाठी घेण्यात आलेली मेहनत प्रेक्षकांच्या लक्षात येईल. वास्तविक दोन वर्षांपासून या चित्रपटाची निर्मिती सुरु आहे. मात्र कोरोनाचा फटका आरआरआरला बसला. आणि निर्मात्यांपुढे समस्या निर्माण झाली होती.

आरआरआरचं जेव्हा चित्रिकरण सुरु होते तेव्हा त्याच्या चित्रिकरणाच्या एका दिवसाचा खर्च 75 लाख रुपये असल्याची माहिती समोर आली आहे. बिग बजेट या चित्रपटामध्ये हजारो कर्मचारी सहभागी झाले आहेत. द क्वींटला आरआरआरच्या टीमनं दिलेल्या मुलाखतीमध्ये ही गोष्ट सांगण्यात आली आहे. यावेळी एस एस राजामौली यांनी आपण या चित्रपटासाठी किती मेहनत घेतली हे अधोरेखित केले आहे. प्रेक्षकांना हा चित्रपट पाहताना त्यातील अनेक गोष्टी नव्यानं जाणवतील. असा विश्वासही त्यांनी व्यक्त केला.