Kangana Ranaut:बॉलीवूडची क्वीन कंगना रनौत आपल्या सिनेमांमुळे सोशल मीडियावर कायम चर्चेत असलेली पहायला मिळते पण त्यासोबतच आपल्या बेताल वक्तव्यांमुळे देखील ती चर्चेत असते. तिला प्रचंड ट्रोलही केलं जातं. एवढंच नाही तर ती सोशल मीडियावर इतर सेलिब्रिटींपेक्षा सर्वात जास्त सक्रिय आहे असं म्हटलं तर चुकीचं ठरणार नाही.

अलिकडे तर ती आपले काही जुने फोटो-व्हिडीओ चाहत्यांसोबत जरा जास्तच शेअर करताना दिसते. नुकतेच कंगनाने सोशल मीडियावर आपल्या लहानपणीचे काही फोटो शेअर केले आहेत.(Kangana Ranaut share college days photo and memory on social media)

कंगनानं आपले काही जुने फोटो शेअर करत आपल्या कॉलेजच्या प्रिन्सिपलची खूप प्रशंसा देखील केली आहे. कंगनाचे हे फोटो तिच्या कॉलेजच्या दिवसांचे आहेत. एका फोटोत ती शेतात बसलेली दिसत आहे. या फोटोंना शेअर करत कंगनानं सोबत एक भावूक नोट देखील लिहिली आहे.

या फोटोंमध्ये तिनं आपल्या हॉस्टेलच्या पहिल्या दिवशीचा एक फोटो शेअर केला आहे आणि सांगितलं आहे की तिच्या प्रिन्सिपल मॅडम मिस सचदेवानं कंगनाचा ड्रेस पाहून तिला त्यांच्याजवळ बोलावलं आणि विचारलं,'तु कुठून आली आहेस?' कंगनानं अगदी लाजत-मुरडत सांगितलं..''मी हिमाचल प्रदेशमधून आहे''.

पुढे कंगना म्हणाली,''यानंतर प्रिन्सिपल मॅडमनी मला विचारलं की,'तु हा ड्रेस कुठून घेतलास?''

कंगना म्हणाली,''हा ड्रेस तिनं स्वतः डिझाईन केला आणि गावातील एका टेलरकडून शिवून घेतला आहे''.

तेव्हा कंगनाच्या प्रिन्सिपल मॅडम तिच्याकडे पाहून हसल्या आणि तिला मिठी मारत म्हणाल्या,'तु एक दिवस सिनेमात मोठी स्टार बनशील'.

कंगनानं आणखी काही फोटो शेअर करत सांगितलं की बॉलीवूड इंडस्ट्रीत मी आले तेव्हा माझ्या प्रिन्सिपल मॅडमनी माझा कॉलेजतर्फे सम्मान केला.

कंगनानं लिहिलं आहे की, ''मला आठवतंय त्याक्षणी तिथं खूप लोक उपस्थित होते आणि सगळेच माझ्यासाठी खूश होते. पण माझ्याप्रती सर्वात जास्त अभिमान माझ्या प्रिन्सिपल मॅडमच्या चेहऱ्यावर होता.

आपल्या स्टोरीच्या शेवटच्या फोटोत कंगना म्हणाली की,''जेव्हा कधी प्रिन्सिपल मॅडम मला भेटायला मुबंईला यायच्या तेव्हा नेहमी माझ्या कपाळावर किस करत मला आशीर्वाद द्यायच्या. आणि तो माझ्यासाठी सर्वात मोठा आशीर्वाद असायचा''.