Kiara Advani & Sidharth Malhotra Wedding updates: सिद्धार्थ मल्होत्रा आणि कियारा अडवाणी गेल्या काही वर्षापासून एकमेकांना डेट करत आहेत. बॉलीवूडचं हे क्यूट कपल आता ६ फेब्रुवारी,२०२३ रोजी लग्नबंधनात अडकणार असल्याचं कळत आहे.

या कपलने अद्याप लग्नाविषयी बोलणं टाळलं असलं तरी पण यांच्या लग्नाची बातमी अफवा मुळीच नाही.. ते खरोखरच लग्न करत आहेत. आता लग्नासंबंधित सोहळे सुरु व्हायला केळ दोन दिवस राहिले आहेत. तेव्हा या लग्नसोहळ्याचे काही अपडेट्स समोर आले आहेत.

अर्थात आतापर्यंत आपल्या सगळ्यांना हे तर नक्कीच कळालं असेल की सिद्धार्थ मल्होत्रा आणि कियारा अडवाणी राजस्थानमधील जैसलमेर शहरात एक रॉयल वेडिंग करणार आहेत आणि लग्नस्थळी तयारी सुरू देखील झाली आहे,यासंबंधितच काही नवीन अपडेट्स कळाल्या आहेत.(Kiara Advani & Sidharth Malhotra Wedding updates venue celebration details)

तुमच्या माहितीसाठी इथं थोडक्यात सांगतो की सिद्धार्थ मल्होत्रा आणि कियारा अडवाणी लग्नासंबंधित पहिल्या सोहळ्याची सुरुवात ४ फेब्रुवारी,२०२३ रोजी होणार आहे. 'शेरशाह' सिनेमाचं हे कपल जैसलमेरमधील सूर्यगढ पॅलेसमधील हॉटेलमध्ये लग्न करणार आहेत.

तेथील सर्व रुम्स आतापर्यंत पाहुण्यांसाठी बूक झाल्या आहेत. एका इंग्रजी वर्तमानपत्राला मिळालेल्या माहितीनुसार कळत आहे की, ५ फेब्रुवारी २०२३ रोजी कियारा-सिद्धार्थचा संगीत सोहळा असेल. तर ६ फेब्रुवारी २०२३ रोजी लग्न. आणि सिद्धार्थ-कियाराच्या लग्नाचा रीसेप्शन सोहळा ७ फेब्रुवारी २०२३ रोजी पार पडेल.

माहितीनुसार,जैसलमेर मधील सूर्यगढ पॅलेस मध्ये पाहुण्याचं स्वागत आणि मनोरंजन करण्यासाठी कठपुतली आणि मंगनियार परफॉर्मन्सेस देखील होणार आहेत. लग्नात सर्व्ह केल्या जाणाऱ्या जेवणाविषयी बोलायचं झालं तर खास राजस्थानी डिशेससोबत साऊथ इंडियन आणि कॉन्टिनेन्टल पदार्थांची रेलचेल असणार आहे.

पाहुण्यांसाठी कॅमल राइड देखील ठेवण्यात आलेली आहे. सिद्धार्थ सध्या आपल्या कुटुंबासोबत दिल्लीमध्ये आहे,आणि स्वतः लग्नाच्या तयारीकडे लक्ष ठेवून आहे. तर कियारा अद्याप मुंबईत आपल्या वेडिंग संबंधित काही गोष्टींच्या तयारीत बिझी असल्याचं कळत आहे.