मुंबई : गानसम्राज्ञी भारतरत्न लतादीदी यांनी पूर्वी गायलेल्या "मोगरा फुलला" या अभंगाचे निरूपण आज आषाढी एकादशीच्या निमित्ताने घेऊन आल्या. हा मूळ अभंग संत ज्ञानेश्वरांनी लिहिला आहे आणि पं. हृदयनाथ मंगेशकरांनी हा अभंग संगीतबद्ध केला आहे. त्याच अभंगाचे निरुपण लतादीदींनी आज केले.
संगीतकार मयूरेश पै यांनी सांगितले, की लतादीदींना भेटण्यासाठी प्रभकुंज येथे 23 जून रोजी गेलो होतो. संध्याकाळची वेळ होती आणि आमच्या गप्पा सुरू होत्या. तेथे पंडित हृदयनाथ मंगेशकर आले. त्यांनी आषाढी वारीचा विषय काढला. ते दीदींना म्हणाले की," दीदी या वर्षी आषाढी वारीला लोकांना, वारकऱ्यांना जाणं शक्य होणार नाही. तेव्हा या आषाढी वारीच्या निमित्तानं विठोबारायाची सेवा म्हणून या तमाम वारकरी भक्तांना तू काही तरी भेट द्यावीस.
त्यासाठी ज्ञानोबारायांच्या 'मोगरा फुलला' या अभंगाचं तू निरूपण करावंस." आणि मला ते म्हणाले, ' मयुरेश तुम्ही आता आलाच आहात तर दीदींच्या निरूपणाचं रेकॉर्डिंग करून घ्या.' मग काय, आपल्याला आणखी काय हवं असतं, दीदींची अशी अमृतवाणी ऐकणे यापेक्षा भाग्य ते कोणतं ? त्यांच्या या गाण्यासाठी मग रेकॉर्डिंग सुरू केलं. साक्षात ईश्वरीय स्वरांचं रूप असलेलं लतादीदींसारखं व्यक्तिमत्त्व आपल्या वाणीनं या अक्षय अभंगाचं निरूपण करीत होतं.
मुंबईकरांनो सावधान! जुलै महिन्यातील आठ दिवस धोक्याचे; प्रशासनाने दिला सतर्कतेचा इशारा..
विभुतीरूप संतांच्या कवनाच्या शब्दांचा आणि सुरांचा परिमळ काय असतो हे लतादीदी उलगडून सांगत होत्या. त्या अभंगाच्या प्राजक्ताच्या पाकळ्या त्या आपल्या शब्दांनी फुलवत होत्या. या कवनाचा मोगरा हळूहळू फुलत होता, दरवळत होता. मी, उषाताई, आणि हृदयनाथजी त्या परिमळाचा अनुभव घेत होतो. हे आमचं मोठं भाग्यच होतं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.