Fabulous Lives Of Bollywood Wives चा नवीन सिझन लवकरच ओटीटीवर सुरु होत आहे. या शो ची गेल्या काही दिवसापासून चर्चा होती. महीप कपूर(Maheep Kapoor),नीलम कोठारी, भावना पांडे आणि सीमा सचदेव यांच्या ग्लॅमरस आयुष्याची झलक दाखवणाऱ्या या शोचा पहिला सिझन चांगलाच हीट झाला. पहिल्या सीझनमध्ये चारही स्टार पत्नींनी खूप खळबळजनक खुलासे केले होते. दुसऱ्या सीझनमध्ये देखील असेच धक्कादायक खुलासे होणार असल्याची चर्चा आहे. दुसऱ्या सीझनच्या एका भागात महीप कपूरने पती संजय कपूरशी(Sanjay Kapoor) संबंधित एक खुलासा केला आहे,जो सगळ्यांचे होश उडवणार आहे. दुसरा सीझन नेटफ्लिक्सवर आज २ सप्टेंबर रोजी सुरु होणार आहे.(Maheep Kapoor Shocking revealation husband sanjay kapoor cheated her in twenty five years of marriage)

अभिनेता संजय कपूरची पत्नी महीप कपूरने सांगितलं की, लग्नाला २५ वर्ष झाली पण त्यादरम्यान संजयन आपल्याला धोका दिला आहे. हैराण करणारी एक गोष्ट शेअर करत महीप कपूर म्हणाली की आपण हे इथे याविषयी सांगणार आहोत हे संजयला माहीत नाही. महीप कपूरने एका वेबसाईटशी यासंदर्भात बातचीत केली आहे. महीप कपूरला जेव्हा विचारलं गेलं की,'संजय कपूर आणि तिच्या नात्यातील ही अत्यंत वैयक्तिक गोष्ट शो मध्ये सांगण्याआधी तिनं पती किंवा कुटुंबाला सांगितले होते का? तेव्हा काय म्हणाली महीप कपूर एकदा वाचाच.

महीप कपूर म्हणाली,''असं काही नव्हतं की मला ते सांगताना खूप विचार करावा लागला वगैरे. हे सहज बोललं गेलं. आम्ही फक्त बोलत होतो आणि मी ती गोष्ट बोलून गेले. आम्ही या शो मध्ये आमच्या वैयक्तिक आयुष्याविषयी सांगण्याचा प्रयत्न केला आहे. मला आशा आहे की,शो पाहणाऱ्या महिला मला समजून घेतील. कारण नेहमीच बाहेरुन सगळं चकाचक,छान दिसणारं सगळं चांगलच असतं असं नाही. प्रत्येकाला त्याच्या आयुष्यात उतार-चढावचा सामना करावा लागतो. असं नाही की आमच्या आयुष्यात सगळंच छान असतं. आमच्याही आयुष्यात अडचणी असतात हे तुम्हाला या शोमुळे कळेल. त्यामुळे याविषयी बोलणं गरजेचं होतं''.

महीप कपूर म्हणाली की,संजय कपूरनं आपल्या वैवाहिक आयुष्यात धोका दिला हे शो मध्ये सांगण्याआधी आपण अभिनेत्याला सांगितले नव्हते. ती म्हणाली,''संजयला काहीच माहित नाही. त्यालाही हा शो पाहिल्यावरच कळेल''.

संजय कपूर अभिनेता अनिल कपूरचा धाकटा भाऊ असून,त्यानं बॉलीवूडच्या बऱ्याच सिनेमात काम करून अभिनेता म्हणून आपलं नशीब आजमावल आहे. संजय कपूरनं १९९७ मध्ये महीप कपूरशी लग्न केलं होतं. दोघांचा संसार जवळपास २५ वर्षांचा झाला आहे. महीप कपूर आणि संजय कपूरची मुलगी शनाया कपूर लवकरच बॉलीवूड मध्ये पदार्पण करत आहे.