मुंबई -  कोरोनाचे सावट अद्याप दूर झालेले नाही. त्यात दररोज त्यासंबंधीची माहिती समोर येत आहे. अशावेळी नागरिकांनी योग्य ती काळजी घेण्याचे आवाहन सातत्यानं राज्य शासनानं केलं आहे. सार्वजनिक ठिकाणी वावरताना मास्कचा वापर करणे बंधनकारक करण्यात आले आहे. या नियमाचे उल्लंघन केल्यास त्याच्यावर फौजदारी कारवाई होणार असल्याचे यापूर्वी सांगण्यात आले आहे. असे असतानाही काहीजण त्या नियमांना डावलत आहेत.

प्रख्यात अभिनेता विवेक ऑबेरायकडून कोविडच्या सुरक्षेच्या संबंधित नियमांचे उल्लंघन झाल्याचे दिसुन आले आहे. याप्रकरणी त्याच्यावर गुन्हा दाखल करण्यात आल्याची माहिती सुत्रांनी दिली आहे. मुंबई पोलिसांनी आयपीसीच्या कलम 188, 269, मोटार वाहन कायद्याच्या कलम 129,177 नुसार साथी रोगपसरण्यापासून प्रतिबंधक कायद्याच्या कलमांखाली विवेकवर गुन्हा दाखल केला आहे. जुहू पोलिसांनी हा गुन्हा दाखल केला असून एका वरिष्ठ अधिका-यानं या वृत्ताला दुजोरा दिला आहे.

दोन दिवसांत अडीच कोटी व्ह्युज; इमरान हाश्मी बॅक, 'लुट गए' रिलीज          

क्या बात है मेनन साब, दादासाहेब फाळके पुरस्कार आपके नाम   

सुत्रांकडून मिळालेल्या माहितीनुसार,  गुरुवारी विवेक ओबेरॉयचा एक व्हिडिओ सोशल मीडियावर व्हायरल झाला होता. त्यात तो विनामास्क आणि हेल्मेटशिवाय दुचाकी चालवत असल्याचे दिसून आले होते. याचे सोशल मीडियावर तीव्र पडसाद उमटल्याचे दिसून आले. त्यानंतर पोलिसांनी त्या घटनेची दखल घेऊन त्याच्यावर गुन्हा दाखल केल्याचे सांगण्यात आले आहे.