Ponniyin Selvan 2 Trailer: दिग्दर्शक मणिरत्नम यांचा प्रसिद्ध चित्रपट 'पोन्नियिन सेल्वन'च्या यशानंतर आता चाहते या चित्रपटाच्या दुसऱ्या भागाची आतुरतेने वाट पाहत आहेत.
'पोनियिन सेल्वन 2' सध्या खूप चर्चेत आहे. हा चित्रपट यावर्षी 28 एप्रिल रोजी थिएटरमध्ये प्रदर्शित होणार आहे. 'पोन्नियिन सेल्वन 2' च्या रिलीज डेटनंतर चाहते चित्रपटाच्या ट्रेलरची वाट पाहत आहेत, त्याबद्दल एक मोठी बातमी समोर आली आहे.
एका वृत्तवाहिनीच्या ताज्या वृत्तानुसार,'पोनियिन सेल्वन 2' च्या निर्मात्यांनी या लोकप्रिय चित्रपटाचा ट्रेलर आणि ऑडिओ लॉन्च डेट फायनल केली आहे. पहिल्या हप्त्याप्रमाणेच, मल्टी-स्टाररचा अधिकृत ट्रेलर आणि ऑडिओ त्याच दिवशी 5 एप्रिल रोजी चेन्नई येथे एका कार्यक्रमात लॉन्च केला जाईल. निर्माते लवकरच अधिकृत घोषणेसह ट्रेलर आणि ऑडिओ लॉन्च डेटची पुष्टी करतील.
चियान विक्रम, ऐश्वर्या राय बच्चन, कार्थी आणि तृषा कृष्णन स्टारर फिल्म 'पोन्नियिन सेल्वन' चा पहिला भाग बॉक्स ऑफिसवर चमकदार कामगिरी करत होता. आता निर्माते या चित्रपटाचा दुसरा भाग घेऊन प्रेक्षकांच्या भेटीला येत आहेत.
'पोन्नियिन 2' 28 एप्रिल 2023 रोजी मोठ्या पडद्यावर रिलीज होणार आहे. रिलीजपूर्वीच या चित्रपटाने खळबळ उडवून दिली आहे.
'पोन्नियिन सेल्वन' 30 सप्टेंबर 2022 रोजी रिलीज झाला होता. या चित्रपटाने भारतीय बॉक्स ऑफिसवर 250 कोटींहून अधिक कमाई केली, तर जगभरातील चित्रपटाने 450 कोटींहून अधिक कमाई केली. आता सर्वांच्या नजरा 'पोन्नियिन सेल्वन 2'वर खिळल्या आहेत, हा चित्रपट प्रदर्शित झाल्यानंतर प्रेक्षकांचे किती लक्ष वेधून घेतो हे पाहावे लागेल.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.