Raju Srivastava: कॉमेडीचे किंग म्हणून ओळखले जाणारे गजोधर भैय्या उर्फ राजू श्रीवास्तव गेल्या काही दिवसांपासून आपल्या बिघडलेल्या प्रकृतीमुळे चर्चेत पहायला मिळत आहेत. डॉक्टर,त्यांचे निकटवर्तीय आणि कुटुंबियांकडून त्यांच्या प्रकृतीविषयी लेटेस्ट अपडेट मिळत आहे. तर देशभरातील त्यांचे चाहते त्यांना लवकर बरं वाटावं यासाठी देवाकडे प्रार्थना करतानाही दिसत आहेत. सध्या तरी असं बोललं जात आहे की कॉमेडियन राजू श्रीवास्तव यांच्या प्रकृतीत सुधारणा होत आहे. ज्यावरनं अंदाज लावला जात आहे की ते लवकरच बरे होऊन कॉमेडीच्या मंचावर कमबॅक करतील.(Raju Srivastava health gradually improving says reports know latest health update)

राजू श्रीवास्तवचे खास मित्र सुनिल पाल यांनी नुकतेच एका मुलाखतीत म्हटलं आहे की,''जो माणूस संपूर्ण जगाला हसवतो, तो स्वतः सीरियस किती दिवस राहणार. ते लढवय्ये आहेत, ते लवकरच बरे होऊन कमबॅक करतील''.

काही दिवसांपूर्वी शेखर सुमन यांनी देखील राजू श्रीवास्तव यांच्या प्रकृतीविषयी त्यांच्या चाहत्यांना अपडेट दिली होती. शेखर सुमन यांनी ट्वीटरवर श्रीवास्तव यांच्या हेल्थविषयी अपडेट देताना लिहिलं होतं की,''राजू अजूनही बेशुद्धावस्थेत आहेत,पण त्यांच्या प्रकृतीत सुधारणा होत आहे''.

दुसरीकडे राजू यांच्या प्रकृतीसाठी पूर्ण देश प्रार्थना करताना दिसत आहे. राजू श्रीवास्तव यांच्या कुटुंबियांनी देखील त्यांच्या उत्तम प्रकृतीसाठी कानपुरच्या इस्कॉन मंदीरात पूजा ठेवली होती. ज्याचा व्हिडीओ देखील समोर आला आहे.

एक दिवसापूर्वीच एम्स रुग्णालयाकडून राजू श्रीवास्तव यांच्या प्रकृतीविषयी माहिती देणारी अपडेट समोर आली आहे. त्यानुसार,ब्रेन डेडच्या बातम्यांसंदर्भात डॉक्टरांनी अफवा असल्याचं सांगितलं. तसंच,पुढचे २४ तास उपचारांना राजू श्रीवास्तव कसे प्रतिसाद देतात ते पहाणं महत्त्वाचं ठरेल असं देखील ते म्हणाले होते.

राजू श्रीवास्तव यांना १० ऑगस्टला जिममध्ये वर्कआऊट करताना ट्रेडमिलवरच हृद्यविकाराचा तीव्र झटका आला होता. त्यानंतर त्यांना एम्स रुग्णालयात दाखल केले गेले. त्यांना रुग्णालयात व्हेंटिलेटर सपोर्टवर ठेवण्यात आले आहे. दरदिवशी त्यांच्या प्रकृतीत चढ-उतार होताना पहायला मिळत आहे. अर्थात तशा बातम्या तरी समोर येत आहेत. पण सध्याच्या ताज्या बातमीनुसार कळत आहे की राजू श्रीवास्तव लवकरच कॉमेडीच्या मंचावर कमबॅक करतील अशी लक्षणं दिसत आहेत. त्यांच्या प्रकृतीत हळूहळू सुधारणा होत आहे.