सुपरस्टार शाहरुख खान सध्या राजकुमार हिरानी (Rajkumar Hirani) दिग्दर्शित चित्रपट 'डंकी'च्या चित्रीकरणात व्यस्त आहे. चित्रपटाचे चित्रीकरण लंडनमध्ये सुरु आहे. चित्रीकरणाचे छायाचित्रे सोशल मीडियावर व्हायरल होत आहेत. नुकतेच शाहरुख खानचा (Shah Rukh Khan) एक व्हिडिओ समोर आला आहे. त्यात सुपरस्टार आपल्या कारकडे पळताना दिसत आहे. कारण काय तर तेथे उभे असलेल्या लोकांनी शाहरुखला ओळखले होते. (Shah Rukh Khan People Run Towards Him In Landon During Dunki Movie Shooting)

जगभरात शाहरुख खानचा चाहतावर्ग

शाहरुख खानचा चाहता वर्ग जगभरात आहे. अशा अनेक घटना समोर आल्या आहेत, जेव्हा त्याच्या चाहत्याला एखाद्या भारतीयाला मदत केली कारण तो शाहरुख खानच्या देशातील आहे म्हणून. बाॅलीवूड (Bollywood News) कलाकार विदेशात खुल्या रस्त्यांवर सर्वसामान्य माणसांप्रमाणे फिरण्याचा आनंद घेतात. कारण तेथे त्यांना लोक फारसे ओळखत नसतात.

'डंकी ' ची पटकथा काय आहे ?

मात्र शाहरुख खानच्या बाबतीत असे होत नाही. त्याला चित्रीकरणादरम्यान खूप सावध राहावे लागते. शाहरुखचा आगामी चित्रपट डंकी एक इमिग्रेशन ड्रामा चित्रपट आहे. त्यात पहिल्यांदा तापसी पन्नू आणि शाहरुख खानची जोडी मूख्य भूमिकेत दिसणार आहे. ऑगस्टच्या पहिल्या आठवड्यात चित्रपटाचा चमू पुन्हा भारतात परतणार असून पुढील काम येथूनच होणार आहे. हा चित्रपट डिसेंबर २०२३ मध्ये प्रदर्शित होणार आहे.