Anupam Mittal Father Passed Away News: शार्क टॅंक फेम उद्योजक अनुपम मित्तल याच्यावर दुःखाचा डोंगर कोसळला आहे. उद्योजक पीपल ग्रुपचे मालक आणि Shaadi.com या लोकप्रिय प्लॅटफॉर्मचे संस्थापक आहेत.

या व्यतिरिक्त, ते सोशल मीडियावर खूप सक्रिय आहे. अनुपम मित्तल यांच्या वडिलांचे निधन झाल्याची बातमी त्याने सोशल मीडियावर त्याच्या चाहत्यांना आणि फॉलोअर्ससोबत शेअर केली.

अनुपम मित्तल यांचे वडील गोपाल कृष्ण मित्तल यांचे नुकतेच निधन झाले. सोमवारी, अनुपम मित्तलची पत्नी आंचल कुमारने तिच्या Instagram खात्यावर एक थ्रोबॅक फोटो पोस्ट केले ज्यामध्ये संपूर्ण कुटुंब एकत्र पोज देताना दिसत आहे.

हा फोटो एका कौटुंबिक प्रसंगातला दिसतोय. अनुपमने हाच फोटो पुन्हा पोस्ट केला आणि त्याच्या कॅप्शनमध्ये असे लिहिले आहे, “शाइन ऑन अस डॅडी.” म्हणजेच तुमचा आशीर्वाद आमच्यावर कायम राहूद्या.

अनुपम प्रत्येक मुलाखतीत नेहमी सांगतात की तो एक कौटुंबिक माणूस आहे आणि त्याच्या वडिलांच्या जवळ आहे. शार्क टँक इंडियाच्या एका एपिसोडमध्ये, उद्योजकाने त्याच्या वडिलांनी त्याला त्याच्या प्रवासात कशी प्रेरणा दिली हे आठवले.

एक आठवण सांगताना त्यांनी सांगितले की त्यांचे वडील हातमाग व्यवसायात होते आणि त्या लहान वयात अनुपम वडिलांचे बोट धरून यंत्रमाग पाहत असे. तेव्हाच त्यांच्या लहानग्या अनुपमच्या मनात बिझनेसचे बीज रोवले गेले.

गेल्या वर्षी फादर्स डेच्या दिवशी अनुपमने वडिल त्याची मुलगी एलिसासोबत केक कापतानाचा फोटो अपलोड केला होता.

त्याने कॅप्शनमध्ये लिहिले की, "फादर्स डेच्या शुभेच्छा बाबा..." बाबांच्या निधनामुळे अनुपम मित्तल आणि त्यांचा संपुर्ण परिवार शोकसागरात बुडाला आहे.