बॉलिवूडचा लोकप्रिय अभिनेता सनी देओल अमिषा पटेलसोबत 'गदर 2' चित्रपटाच्या शूटिंगमध्ये व्यस्त आहे. या चित्रपटाच्या शुटिंगचे अनेक व्हिडिओही सोशल मिडियावर व्हायरल होत आहेत.

सनीने अलीकडेच तिच्या सोशल मीडिया अकाऊंटवर एक मजेदार व्हायरल व्हिडिओ शेअर केला आहे. तो एका माणसाला भेटला ज्याने सनीला ओळखलेच नाही आहे. सनीचा हा व्हिडिओ सोशल मीडियावर चांगलाच व्हायरल होत आहे.

सनी देओल आणि त्याची टीम महाराष्ट्रातील अहमदनगर शहरात बैलगाडी चालवणाऱ्या एका माणसाला थांबवतात. व्हिडिओमध्ये कोणीतरी त्या व्यक्तीला विचारत आहे की तु कसा आहेस आणि तो बैलगाडीवर काय घेऊन जात आहेस. त्यावर माणसाने उत्तर दिले की तो जनावरांसाठी ज्वारीची भुसा घेवुन जात आहे. यानंतर सनी त्या व्हिडिओमध्ये येतो आणि त्या व्यक्तीशी हातमिळवणी करतो.

त्यानंतर सनीने त्याला विचारले की तू कुठे जात आहेस आणि तो म्हणाला, 'तू सनी देओलसारखा दिसतोस.' यावर सनी हसतो आणि म्हणतो, 'हो, मी आहे.' सनी देओलला भेटून त्या माणसाला आश्चर्यचा धक्काच बसतो आणि तो म्हणतो, 'अरे बाप रे. तुमचा आवाजपण सेम आहे' सनी म्हणाला, 'मी इथे आलोय, मला माझ्या गावाची आठवण आली.' यावर तो म्हणाला, 'आम्ही तुमचे व्हिडीओ आणि तुमचे वडील धर्मेंद्र यांचे व्हिडिओ ऑनलाइन पाहतो.'

त्या व्यक्तीसोबतचा व्हिडिओ आणि फोटो शेअर करत सनीने लिहिले, 'अहमदनगरमध्ये गदरच्या शूटिंगदरम्यान.' या पोस्ट थोड्यावेळातच व्हायरल झाली आहे. या पोस्टच्या कमेंट बॉक्समध्ये नेटकऱ्यांनी कौतुकाचा वर्षाव केला आहे.

'गदर 2' हा हिट अॅक्शन ड्रामा 'गदर'चा सिक्वेल असून, दिग्दर्शक अनिल शर्मा यांनी त्याचे दिग्दर्शन केले आहे. हा चित्रपट 11 ऑगस्ट रोजी प्रदर्शित होत आहे.