Dilip Joshi News: तारक मेहता का उलटा चष्मा (tarak mehta ka oolta chashma) मालिकेतून लोकप्रिय झालेले अभिनेते दिलीप जोशी यांनी जीवे मारण्याच्या धमक्या आल्या आहेत अशा चर्चा सुरु आहेत.

नागपूर कंट्रोल रुममधून एका अज्ञातानं फोन केला होता. त्यानं सांगितलं होतं की, तारक मेहता का उल्टा चष्मा मध्ये दिलीप जोशी नावाचे कलाकार कुणी काम करतात त्यांच्याविषयी धक्कादायक बातमी आहे.

शिवाजी पार्कमध्ये त्यांचे जे घर आहे त्या घराबाहेर २५ लोग उभे आहेत. त्यांच्याकडे बंदुक आणि वेगवेगळी हत्यारं आहेत. असे त्या व्यक्तीनं सांगितले होते. पण आता या चर्चांवर दिलीप जोशी रागावले आहेत.

(taarak mehta ka ooltah chashmah dilip joshi dismisses fake news on life threat )

दिलीप जोशी म्हणाले.. "ज्याने ही चुकीची बातमी पसरवली त्याचे भले होवो. मला माझे हालहवाल विचारायला अनेक लोकांचे फोन आले. अनेक जुने मित्र आणि कुटुंबाचा त्यात सहभाग होता. लोक माझ्यावर इतके प्रेम करतात. अनेकांना माझी आणि माझ्या कुटुंबाची काळजी वाटली. हे सर्व पाहून मला खूप आनंद झाला."

दिलीप जोशी पुढे म्हणाले.. "“ही बातमी खोटी आहे. असं काहीही झालं नाही. याची सुरुवात कुठून आणि कशी झाली ते मला माहीत नाही. ही बातमी दोन दिवसांपासून चर्चेत आहे आणि हे ऐकून मी थक्क झालो. जर मी काही गैरकृत्य केलं नाही तर मला घाबरायची गरज काय. या बातमीत काही तथ्य नाही” अशा परखड तरीही गमतीशीर अंदाजात दिलीप जोशी यांनी प्रतिक्रिया दिली.

गेल्या अनेक वर्षांपासुन तारक मेहता का उलटा चष्मा हि मालिका प्रेक्षकांचं मनोरंजन करत आहे. या मालिकेच्या माध्यमातून जेठालालच्या भूमिकेत दिलीप जोशी प्रेक्षकांचं मनोरंजन करत आहेत.

मालिकेतल्या अनेक कलाकारांनी मालिकेला रामराम ठोकला असला तरीही जेठालालच्या भूमिकेत दिलीप जोशी प्रेक्षकांचं मनोरंजन करत आहेत.